Skender Karaçica:IN MEMORIAM: MUHAMET SHERRI (1948-2011)

nga **Agim Gashi** Mon Feb 21, 2011 12:06 am

IN MEMORIAM: MUHAMET SHERRI (1948-2011)

Xhafo Idrizi dhe mesazhet për Atdheun

Nga Skënder KARAÇICA

Këto ditë në Fier është ndarë nga jeta Aktori i Madh Shqiptar Muhamet Sherri (1948-2011). Në udhët artistike të Teatrit Shqiptar më njëqind rolet e nduarnduarta në teatër dhe film artisti me shpirt çami bëri autostradën më të mirë për Kombin dhe Atdheun.

Orët e dhimbjes për artistin janë koha vrastare grekofile (1944) kur e detyroi familjen e tij që ta lë Çamërinë. Artisti çam tërë jetën në dërrasat e teatrit luajti shumë role të jetës shqiptare që lidhin kohën tonë në kërkim të lirisë dhe pavarësisë së kombit shqiptar. Rolin më të mirë Muhamet sherri e kishte në Teatrin e Fierit në Dramën "Dy krisma në Paris" me personazhin lab të Xhafo Idrizit, i cili ishte mesazhi më i qartë se tradhëtarëve të kombit plumbi i pushkës u shkon mbrapa deri në vdekje.

Rolet e artistike teatrore të aktorit çam Muhamet sherri në trojet etnike shqiptare kanë lënë mbresa që edhe sot kujtohen me respekt. Aktet artistike të dramës "Dy krisma në Paris"dhe sidomos paraqitja e (Xhafo Idrizi) nga Muhamet sherri, i ka frymëzuar djelmeninë shqiptare të Drenicës heroike që mësonin përmes mesazhit se si duhet vdekur për kauzën e madhe kombëtare. Tërë kjo djelmeni pati pranë vetës si frymëzim veprën e madhe artisttike të çamit Muhamet sherri dhe me Xhafo Idrizin ata ia mësyen maleve të Kosovës në kërkim të lirisë.

Se roli i teatrit bënë atdhe dhe trason udhën e lirisë po përmendim fjalinë e madhe të luftëtarit nga Drenica Fehmi Lladrovci: "Ku e kam atë fat që të më marrë plumbi serb dhe të vdes për lirinë e Kosovës!". Përmes emisioneve artistike të RTSH-së dhe rolit artsitik teatral shqiptar ndër vite, në trojet etnike ka trasuar udhën e ruajtjes së drejtpeshimit kombëtar dhe gjithherë me mesazhin e qartë në kërkim të lirisë dhe të pavarësisë së Kosovës martire. Është thënë kaherë se baraspeshë e zhvillimit të një kombi dhe shteti është paraqitja artistike dhe shumëllojshme e teatrove me artistët e vetë. Këtë shenjë dalluese e ka dhënë edhe Teatri i Fierit me artistin Muhamet sherri.

Tërë opusi artistik i artistit çam Muhamet sherri dhe Xhafo Idrizi i Atdheut do të kujtohen gjithmonë më pietet të lartë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30