Faruk Buzhala:Një poezi me bende.

nga **Agim Gashi** Tue Feb 22, 2011 11:53 pm

Faruk Buzhala:Një poezi me bende.

Kohëra të vështira sot
ndoshta ishin edhe dje
por unë nuk përballesha me to
isha fëmijë atëherë i lumtur
në rrethin e të dëshpëruarve
isha shkëndijëzë shprese
për një ditë më të mirë më të lirë.

Shoh në sytë e fëmijëve
ndëgjoj nga zërat e ëmbël të tyre
frikën
një frikë strukur në ne
që nga kohë e paraluftës e luftës e pasluftës
jeton
me ne
ushqehet
në ne
mbijeton
nga ne
që shumë pyetjeve nuk po ia gjejmë përgjigjet
e grumbulluara me shekuj në kokat e njerëzve
barrë të bartura brez pas brezi.

Dikur në odat tona
pleqnarët flisnin me bende
për t'mos u kuptuar ato nga kokëboshët
tani bendet i dëgjon nga çdokush
fëmijët të rinjtë të pjekurit matufët
flasin me bende
sa të mençur janë
si dinë të predikojnë
sa me maturi flasin
siç ''lopa e lëshon baglën'' ku ti m'teket.

Më parë duhej të ishe trim
për ti dalë zot mendimeve ideve tua
tani çdonjëri mundohet të tregohet
të bëjë bujë në vende publike
vetëm e vetëm për ta njollosur
një njeri me edukatë
një njeri të kulturuar
një njeri intelektual
një njeri me titull
një njeri të mençur
një njeri të urtë
një njeri me vyrtyt
i cili di të skuqet dhe ulë kokën
nga turpi i tjetrit nga marrja e të pafytyrit.

Dikur isha kursyer nga bendet
sot rrihem nga bendet
nesër do ti kuptoj bendet
apo vetëm ato do t'më kuptojnë mua
një fëmiu të prindërve pa komplekse
të cilët e kishin strukturuar në të ledha-
tuarin e tyre ardhmërinë
në sytë shkëlqyes të të cilit shihej.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30