LDK e AAK dorëzojnë ankesat në Gjykatën Kushtetuese

nga **Agim Gashi** Tue Mar 01, 2011 10:04 pm

LDK e AAK dorëzojnë ankesat në Gjykatën Kushtetuese

Dy parti opozitare LDK dhe AAK kanë dorëzuar sot në Gjykatën Kushtetuese të Kosovës ankesën e përbashkët me nënshkrimet e 34 deputetëve për vlerësimin e kushtetutshmërisë për zgjedhjen e Presidentit të Kosovës, Behgjet Pacolli, bëri të ditur Vjosa Osmani, deputete dhe anëtare e Kryesisë së LDK-së. Ajo tha se tani i takon Gjykatës Kushtetuese që ta marrë vendimin. Çdo vendim që merret nga kjo gjykatë si instanca më e lartë do të respektohet, theksoi Osmani. Sipas saj, LDK dhe AAK po kontestojnë procedurën e zgjedhjes së presidentit me anë të argumenteve. "Këtu janë tri argumente kryesore, të cilat natyrisht kur të pranohen nga gjykata, ajo do të vendosë për publikimin e tyre". Lidhur me pritjet e LDK-së që ka të bëjë me ankesën, Osmani tha se besojnë në argumentet e tyre, duke shtuar se megjithatë i "takon gjykatës t'i vlerësojë ato". Sa i përket pohimit të shefit të ICO-së Piter Feith se nuk ka shkelje të kushtetutës, Osmani tha se nuk merret me vlerësime të tilla nëse ka pasur apo jo shkelje të Kushtetutës, duke nënvizuar se "vlerësimin e bën vetëm GJK dhe askush tjetër". "Kërkesa jonë konteston procedurën me të cilën është zgjedhur Presidenti Pacolli më dt. 22 shkurt në seancën e jashtëzakonshme. Natyrisht kemi parasysh argumentet tona kryesore, tani i takon Gjykatës të vlerësojë nëse ka qenë apo nuk ka qenë kushtetuese. Pas vlerësimit, GJK do të vendosë se çka do të bëjë me një vendim të tillë", theksoi deputetja Osmani.

LDK e AAK dorëzojnë ankesat në Gjykatën Kushtetuese Gj-kushtetues

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30