Çeta e Ambasadorëve

Çeta e Ambasadorëve



MPJ do të ketë mundësi të mirë të përzgjedhjes së tetëmbëdhjetë ambasadorëve të parë të Kosovës në botë, pasi që konkursit ju kanë përgjigjur 328 persona. Prej tyre, 23 kandidatë janë femra. 57 persona aplikuan për ambasador në Kroaci, e vetëm 5 për ambasador në Turqi. Shumë prej aplikantëve kanë konkurruar për dy, tre, katër... e madje edhe për nëntë shtete. Express sjellë listën e plotë të kandidatëve.

Nga Leonard Kerquki më 19.03.2009 në ora 8:11

Afërsisht 300 persona aplikuan në konkursin e Ministrisë së Punëve të Jashtme për tetëmbëdhjetë ambasadorët e parë të Kosovës, duke rikonfirmuar kështu dëshirën e madhe të kosovarëve për profesionin e diplomatit.

Konkursi, zyrtarisht, ishte përmbyllur javën e kaluar, por gjatë kësaj jave arritën edhe aplikacionet e fundit që ishin dërguar me postë.
Tash, një komision i posaçëm i përbërë nga përfaqësues të Presidencës së Kosovës, Kryeministrisë dhe Ministrisë së Punëve të Jashtme, do t’i shqyrtojë një nga një biografitë e kandidatëve.

Më 13 Shkurt, Ministria e Punëve të Jashtme kishte hapur konkurs për ambasador në Shtetet e Bashkuara, Mbretërinë e Bashkuar, Republikën e Francës, Republikën Federale të Gjermanisë, Republikën e Italisë, Mbretërinë e Belgjikës, Republikën e Austrisë, Konfederatën e Zvicrës, Republikën e Shqipërisë, Republikën e Turqisë, Republikën e Bullgarisë, Republikën Çeke, Mbretërinë e Holandës, Republikën e Hungarisë, Japoni, Republikën e Kroacisë, Republikën e Sllovenisë dhe për Mbretërinë e Suedisë.

Të mërkurën Gazeta Express ka siguruar listën e plotë të kandidatëve, të cilët aplikuan për këto poste. Në listë thuhet se në konkurs aplikuan 328 veta. Prej këtyre, 23 kandidatë janë femra.

Interesimi më i madh i kandidatëve ka qenë për ambasador në Kroaci, ku kanë aplikuar 57 persona. Ndërkaq, interesim më i vogël ka qenë për postin e ambasadorit në Turqi, ku aplikuan vetëm 5 persona.

Prej aplikantëve ka personalitete të njohura të jetës publike, ashtu sikurse ka edhe njerëz që kurrë nuk ju ka dëgjuar zëri. Një pjesë e mirë e tyre, janë edhe figura të shquara të shoqërisë civile, siç është rasti i Lundrim Aliut, i cili aplikoi për ambasador të Kosovës në Holandë, Lulzim Pecit që aplikoi për Suedi, apo Leon Malazogut që aplikoi për ambasador të Kosovës në Bullgari.

Po ashtu, në listën e siguruar nga Gazeta Express, disa herë shfaqet emri i juristit Halit Muharremi. Ish Këshilltari i Presidentit Ibrahim Rugova, këto ditë ka aplikuar edhe për gjyqtar të Gjykatës Kushtetuese, ashtu sikurse ka aplikuar tri herë në konkursin për ambasador. Muharremi ka shfaqur ambiciet e tij që të jetë ambasador i Kosovës në Shqipëri, Kroaci apo Slloveni.

Por rasti më eklatant i dëshirës së kandidatëve që me çdo kusht të jenë diku ambasador të Kosovës është ai i Safete Beqirit, e cila ka aplikuar për nëntë shtete. Ajo ka shfaqur dëshirën e saj që të jetë ambasadore e Kosovës në SHBA, Britani të Madhe, Francë, Gjermani, Itali, Belgjikë, Holandë, Japoni apo Suedi.

Kurioziteti i radhës në këtë listë është figurimi i emrit të Ton Markut si kandidat për ambasador në Kroaci, ndonëse aktualisht është kryetar i një partie politike kosovare të përfaqësuar në Parlament - Partisë Shqiptare Demokristiane të Kosovës.

Në konkursin për ambasador kanë konkurruar edhe dhjetë të ngarkuarit me punë të Kosovës, që ishin dërguar në shtetet kryesore të planetit qershorin e vitit të shkuar. Ndërkaq në këtë garë ata hyjnë si të barabartë.

Në listën e siguruar nga gazeta figuron edhe emri i Enver Hoxhajt dhe ai i Naim Malokut. Express ka kontaktuar me Ministrin e Arsimit dhe Nënkryetarin e AAK’së, por që të dy kanë mohuar të kenë konkurruar në këtë konkurs. Sipas tyre, bëhet fjalë për koincidencë emrash.

Lista

SHBA: Shaip Jusufi, Safete Beqiri, Bardhyl Kamberi, Avni Spahiu, Faton Bislimi, Nedime Dauti-Belegu.

Mbretëria e Bashkuar: Hasan Avdyli, Safete Beqiri, Muhamet Hamiti, Driton Krasniqi, Xheladin Metaj, Besa Luzha.

Francë: Irfan Ukshini, Muhamedin Kullashi, Safete Beqiri, Haki Halili, Mehdi Halimi, Vjollca Gjonbala, Mirie Rushani.

Gjermani: Visar Ismaili, Hasan Avdyli, Eqrem Zenelaj, Myrvete Jerliu, Safete Beqiri, Afrim Hoti, Hyzri Ibishi, Vilson Mirdita, Hamdi Morina, Isa Kosumi, Vlorë Gegaj-Veseli, Agron Hoti, Afrim Nura, Shefki Abdullahu, Luan Kuqi, Agim Dobërdoli, Besa Luzha, Bashkim Zahiti, Enver Hoxhaj, Gani Tahiraj, Naim Maloku, Shaban Luzha, Xhevdet Brahimi, Dardan Velija.

Itali: Safete Beqiri, Albert Prenkaj, Luan Nimani, Haki Maliqi, Delushe Halimi, Hamdi Morina, Valentin Gecaj, Diamant Abrashi, Anton Gojani, Violeta Hamidi, Rezeta Hajdari, Ariana Zherka-Hoxha, Bukurije Gjonbalaj, Naim Zymberi, Mirie Rushani.

Belgjikë: Safete Beqiri, Ilir Dugolli, Hamdi Morina, Ylber Zejnullahu, Mehdi Halimi, Selim Leka, Vjollca Gjonbalaj, Violeta Hamidi, Shaban Osmanaj.

Austri: Anton Marku, Eqrem Zenelaj, Sylë Ukshini, Sabri Kiqmari, Isa Kosumi, Januz Berisha, Sami Ukelli, Violeta Hamidi, Enver Hoxhaj, Dardan Velija.

Zvicër: Hasan Avdyli, Irfan Ukshini, Eqrem Zenelaj, Afrim Hoti, Zef Prenrecaj, Sylë Ukshini, Hamdi Morina, Naim Malaj, Agron Hoti, Shefki Abdullahu, Naser Mrasori, Selim Leka, Sami Ukelli, Vjollca Gjonbalaj, Milaim Sylejmani, Daut Dauti, Bukurije Gjonbalaj, Naim Zymberi, Shaban Luzha, Mirie Rushani.

Shqipëri: Gazmend Pula, Shefki Abdullahu, Halit Muharremi, Ariana Zherka-Hoxha, Bukurije Gjonbalaj, Qerime Koci.

Turqi: Sevim Novobërdali, Bekim Sejdiu, Besa Pupa, Enver Rakovica, Keriman Sadikaj.

Bullgari: Musli Berisha, Imer Tifeku, Feim Brava, Hevzi Kryeziu, Astrit Dema, Hysen Kasumi, Faton Osmani, Shpend Kallaba, Bedri Muhadri, Arta Dakaj, Valon Dakaj, Agim Kastrati, Abdyl Zhavelli, Leon Malazogu, Fadil Grabovci, Ardian Emini, Naim Tahiraj, Milaim Sylejmani, Ariana Zherka-Hoxha, Petrit Grezda, Shpëtim Turku, Shkëndije Geci-Sherifi, Bukurije Gjonbalaj, Keriman Sadikaj, Bashkim Zahiti.

Çeki: Irfan Ukshini, Valon Murtezaj, Hilmi Zogiani, Astrit Dema, Ismet Hajdini, Zef Prenrecaj, Hysen Kasumi, Nue Oroshi, Bashkim Rrahmani, Nedime Duati-Belegu, Agim Kastrati, Arsim Azemi, Violeta Hamidi, Shpëtim Turku, Shkëndije Geci-Sherifi, Bajram Mustafa, Mikel Karaqi.

Holandë: Shaip Jusufi, Valon Murtezaj, Ali Hertica, Safete Beqiri, Skënder Spahiu, Afrim Hoti, Astrit Dema, Bardhyl Kamberi, Bajram Aliaj, Blerim Mustafa, Fahredin Shehu, Abdulla Kajragdiu, Bekim Rexhaj, Nedime Dauti-Belegu, Nexhmi Rexhepi, Rrustem Tetaj, Gjylbehare Murati, Besa Pupa, Ramadan Berisha, Valdet Sadiku, Sami Ukelli, Vehbi Miftari, Preveza Abrashi, Lundrim Aliu, Zeki Shehu, Daut Dauti, Shpresa Rexhepi, Keriman Sadikaj, Nazmi Jusufi.

Hungari: Irfan Ukshini, Astrit Dema, Driton Smakaj, Hysen Kasumi, Faton Osmani, Bashkim Rrahmani, Bujar Maxhuni, Sokol Krasniqi, Besa Pupa, Naser Jashari, Arsim Azemi, Zeqir Veselaj, Driton Musa, Anton Gojani, Violeta Hamidi, Rozeta Hajdari, Shpëtim Turku, Imer Berisha, Shkëndije Geci-Sherifi, Keriman Sadikaj, Skender Durmishi, Ilir Ejupi.

Japoni: Safete Beqiri, Nijazi Kuçi, Mithat Haxhiislami, Bujar Maxhuni, Nedime Dauti-Belegu, Alban Dermaku, Naser Jashari, Pren Domgjoni, Naim Krasniqi, Shyqyri Nimani, Naser Krasniqi, Sami Ukelli, Burim Breznica, Bashkim Musliu, Daut Dauti, Keriman Sadikaj, Bashkim Zahiti, Ilir Ejupi.

Kroaci: Samet Dalipi, Besim Muhadri, Albert Mirdita, Ilir Kadiri, Kujtim Bytyqi, Imer Tifeku, Nezir Balaj, Atdhe Dema, Nijazi Kuçi, Sefer Arifi, Luan Nimani, Zef Prenrecaj, Avni Kastrati, Gani Mehmetaj, Vaxhid Nuredini, Yrjet Berisha, Visare Gashi, Sadri Krasniqi, Shpresa Zaplluzha, Agim Qestaj, Ton Marku, Ejup Bytyqi, Januz Berisha, Anton Berisha, Florin Dvorani, Gjon Culaj, Frrok Prenkpalaj, Enver Bytyqi, Agim Kastrati, Mustafë Hyseni, Fran Përdedaj, Shefki Abdullahu, Besa Pupa, Smajl Smaka, Iljaz Emra, Fadil Rexhepi, Sadik Rashiti, Sylë Hoxha, Daut Gorani, Lutfi Bilalli, Selim Leka, Valdet Sadiku, Naim Osmani, Halit Muharremi, Ferid Zekolli, Sarë Gjergji, Behram Halilaj, Drita Bala, Preveza Abrashi, Shpëtim Turku, Isuf Berisha, Ndue Thaqi, Avdurrahman Zhubi, Dardan Velija, Laura Pula, But Jaku, Ibrahim Kryeziu.

Slloveni: Albert Mirdita, Kujtim Bytyqi, Nijazi Kuçi, Frymëzim Isufaj, Sefer Arifi, Bilbil Kastrati, Idriz Manxholli, Bashkim Mirati, Bashkim Rrahmani, Fahredin Beqiri, Anton Berisha, Fahri Xharra, Nazmi Mustafi, Rifat Morina, Agim Kastrati, Naser Jashari, Arsim Azemi, Selim Leka, Halit Muharremi, Refki Zogaj, Shpëtim Turku, Shkëndije Geci-Sherifi, Skender Durmishi, Dardan Velija.

Suedi: Ruzhdi Bejta, Safete Beqiri, Afrim Hoti, Shpresa Veselaj, Lulzim Peci, Fitore Gashi-Krasniqi, Dëshira Vrajolli-Flankor, Riza Sheqiri, Avni Dervishi, Qibrije Hoxha, Fahri Xharra, Besa Pupa, Xhevat Olluri, Hamit Gurguri, Milot Bejta, Sami Ukelli, Muhamed Krasniqi, Luan Gashi, Burim Breznica, Ndue Ukaj, Lundrim Aliu, Shpëtim Turku, Keriman Sadikaj, Zeqavete Xheladini, Nuhi Bajqinca, Bashkim Jashari.