Jorgo Telo:LIRIKË GJITHËVJETORE (Nderim dites se 8 MARSIT)

nga **Agim Gashi** Fri Mar 04, 2011 9:54 pm

Jorgo Telo:LIRIKË GJITHËVJETORE (Nderim dites se 8 MARSIT)

Mirënjohje,

moj beqari,

mirënjohje!

S’më ke lënë ti pa ëndrra dhe vegime;

S’më ke lënë pa më hedhur në shtegtime.

Në Shtegtime

të pamata

fort më joshje…

Ëmbëlshore,

ti, martesë,

ëmbëlshore

Syqiellore, buzëmjaltë zure vend…

Udhëtimet ylberore sjell ndërmend

Dorë për dore

me mikeshën

dorë për dore.

Dhe rrugnaja

trajektore

sa e heshtur

Jetëvarur përmbi supe dritë-hijet

Bashkon majëmalet e shpirtit me koriet

Me koriet

e një djepi

blerimveshur.

Çfarë mbajnë

supet tanë,

çfarë mbajnë:

Mbajnë shpresa, mbajnë etje, sa durim

Nuk e lamë shpirtin kurrë në shterim.

Lart e mbajtëm

nëpër fllad

e tramundanë.

Dhe mikesha

tashmë nënë

edhe gjyshe

Pret - përcjell dy vajzat, (bijat – nëna)

Pret - përcjell me fjalë sa të ëmbla.

Flatraartat

si dy zogj

dallëndyshe…!

Bukur – bukur

ato ndihen

mes urimesh

Çdo Tetë Mars nuk harrohet urimësia:

Urohen gjyshe, nëna, vajza, cka shtëpia.

Veç të mira

ka kjo botë

prej gëzimesh.

Jorgo Telo:LIRIKË GJITHËVJETORE (Nderim dites se 8 MARSIT) 189875_1717921281123_1630998071_1572427_2056696_n