Shënohet 13-vjetori i fillimit të luftës në Kosovë

nga **Agim Gashi** Sat Mar 05, 2011 10:03 pm

Shënohet 13-vjetori i fillimit të luftës në Kosovë

Pacolli: Jeta e një shteti të ri ka nevojë për simbole të forta .- Thaçi: Adem Jashari bashkoi gjithë shqiptarët.- Çeku: Është dashur të bëjmë sakrifica të ndryshme për të arritur qëllimin tonë

Shënohet 13-vjetori i fillimit të luftës në Kosovë 05_03_2011_FSK_8

(I plotësuar) Nën përkujdesjen e Qeverisë së Kosovës, të shtunën ka nisur manifestimi treditor “Epopeja e UÇK-së”, me rastin e 13-vjetorit të rënies heroike të komandantit legjendar të UÇK-së, Adem Jashari dhe familjes së tij.

Me këtë rast Forca e Sigurisë së Kosovës organizoi manifestimin qendror me moton “Nderojmë Historinë- Ndërtojmë të Ardhmen”, në kazermën “Adem Jashari”, në të cilën morën pjesë drejtues të institucioneve shtetërore të Kosovës, ministra të kabinetit qeveritar, deputetë, anëtarë të familjes Jashari, përfaqësues të komuniteteve fetare etj.

Shënohet 13-vjetori i fillimit të luftës në Kosovë 05_03_2011_FSK_2

Shënohet 13-vjetori i fillimit të luftës në Kosovë 05_03_2011_FSK_2

Presidenti i Kosovës, Behgjet Pacolli dhe komandanti i FSK-së, gjenerallejtënant Sylejman Selimi kanë bërë inspektimin e trupave dhe kapaciteteve të FSK-së.

Me këtë rast, presidenti Pacolli ka thënë se themelet e shtetit tonë janë të forta falë gjakut të dëshmorëve dhe miqve tanë ndërkombëtarë, ndërsa tash duhet të punojmë për ndërtimin e shtetit të Kosovës.

“Jeta e një shteti të ri ka nevojë për simbole të forta, rreth tyre forcohet ndërgjegjja kombëtare, inspirimet e gjeneratës së re, ato shërbejnë si pyka referimi për klasën politike. Simbolit të lirisë sonë, komandantit legjendar, Adem Jasharit dhe heronjve tjerë Zahir Pajaziti, Luan e Shkëlzen Haradinaj, Agim Ramadani, Fehmi dhe Xhevë Lladrofci e gjithë dëshmorët tjerë të kombit kanë vendos themelet e shtetit tonë”, ka thënë ai.

Shënohet 13-vjetori i fillimit të luftës në Kosovë 05.03.2011-ZKM-05_

Shënohet 13-vjetori i fillimit të luftës në Kosovë 05.03.2011-ZKM-05_

Ndërsa, kryeministri i Kosovës, Hashim Thaçi, ka thënë se lufta heroike e komandantit legjendar Adem Jashari dhe familjes së tij bashkoi gjithë shqiptarët kudo që janë ata në luftën për liri.

“13 vjet më parë familja Jashari, komandanti legjendar Adem Jashari, gjithë Kosova u zgjuan në një betejë për liri, për shtet, për bashkim. Atë ditë pushka e komandantit legjendar Adem Jashari, familjes së tij, bashkëluftëtarëve të tij, bashkoi gjithë Kosovën, bashkoi gjithë shqiptarët kudo që jetonin, Shqipëri, Maqedoni, Preshevë, Medvegjë e Bujanovc, Ulqin dhe kudo në diasporë, në Evropën Perëndimore dhe SHBA. Atë ditë u bashkua Kosova, u bashkuan shqiptarët, por edhe zgjuan gjithë komunitetin ndërkombëtar me vëmendjen për Kosovën si kurrë ndonjëherë më parë në historinë e saj, prandaj 5 marsi është dita e gëzimit të madh dhe bashkimit të të gjithë shqiptarëve, por është edhe dita e zgjimit të ndërgjegjes ndërkombëtare për lirinë dhe pavarësinë e Kosovës”, ka thënë Thaçi.

Ministri i Forcës së Sigurisë (MFSK), Agim Çeku, ka thënë se jemi krenar që jemi bashkëkombës të komandantit legjendar Adem Jashari dhe familjes Jashari, të cilët sakrifikuan jetën e tyre që Kosova sot të gëzojë lirinë.

“Në këtë ditë ne shohim lavdinë tonë, i shohim të arriturat tona dhe të ardhmen tonë. Është dashur të bëjmë sakrifica të ndryshme për të arritur qëllimin tonë, krijimin e shtetit, tani është koha ta çojmë përpara këtë qëllim. Dhe këtë qëllim mund ta çojmë përpara duke ndërtuar shtet dhe institucione të fuqishme dhe me kredibilitet”, ka thënë ai. Ministri Çeku është zotuar se do të vazhdohet me punën për krijimin e FSK-së si forcë profesionale, në përputhje me standardet më të larta të NATO-s, ndërkohë që do të punohet për integrimin e vendit në strukturat euroatlantike.

Ndërkaq, në emër të familjes Jashari, të pranishmit me një fjalë rasti i përshëndeti, Bekim Jashari, i cili uroi që FSK-ja sa më shpejt të jetë partnere e NATO-s.

“Uroj që festat e ardhshme të festojmë ashtu siç duhet, por njëkohësisht, ushtria jonë Forca e Sigurisë së Kosovës, ashtu siç duket sot në një ditë sa më të afërt të jetë partnere e NATO-s “, ka thënë Jashari.

Në këtë manifestim nuk morën pjesë shoqatat e dala nga lufta, pasi që ata kanë thënë se nuk e njohin Behgjet Pacollin për president, për shkak të mos sqarimit të tij para Kuvendit rreth deklaratave në të kaluarën.

Para fillimit të manifestimit qendror në kazermën “Adem Jashari”, presidenti i Kosovës, Bexhet Pacolli vizitoi Ministrinë e Forcës së Sigurisë së Kosovë, ku është pritur nga njësia ceremoniale e FSK-së, ministri i MSFK-së, Agim Çeku dhe komandanti i FSK-së, gjenerallejtënant Sylejman Selimi.

* * * * * *

Me parakalimin e Forcave të Sigurisë së Kosovës në kazermën “Adem Jashari” ka nisur manifestimi treditor “Epopeja e UÇK-së”, me rastin e 13-vjetorit të rënies heroike të komandantit legjendar të UÇK-së, Adem Jashari dhe familjes së tij.

* * * * * *

Nën përkujdesjen e Qeverisë së Kosovës, sot fillon manifestimi treditor “Epopeja e UÇK-së”, me rastin e 13-vjetorit të rënies heroike të komandantit legjendar të UÇK-së, Adem Jashari dhe familjes së tij.

Forcat e Sigurisë së Kosovës me rastin e 13 vjetorit të rënies heroike të komandantit legjendar Adem Jashari dhe familjes Jashari organizojnë sot manifestim qëndror që do të mbahet në kazermën "Adem Jashari" në Prishtinë.

Po ashtu sot, duke filluar nga ora 11:00 në këtë manifestim i pranishëm do të jetë edhe presidenti i Republikës së Kosovës, Behgjet Pacolli i cili në cilësinë e komandantit suprem të Forcave të Sigurisë së Kosovës do ta bëjë inspektimin e trupave, kapaciteteve dhe pajisjeve të FSK-së.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30