Pesë të vdekur nga shembja e ndërtesave në Shqipëri

nga **Agim Gashi** Sat Mar 05, 2011 10:12 pm

Pesë të vdekur nga shembja e ndërtesave në Shqipëri

(I plotësuar)-Tre persona kanë humbur jetën pas shembjes së një godine në rrethin e Gramshit. Ngjarja e rëndë u regjistrua kur tre viktimat kishin shkuar në një ndërtesë të vjetër për të mbledhur copëza hekuri për shitje.

Pothuajse në të njëjë kohë, një gurë i madh ka zënë dy persona në një fshat të Ersekës, teksa përpiqeshin të merrnin material ndërtimor.

Policia njofton se ka nisur hetimet për zbardhjen e tragjedive.

* * * * * * *

Tre të vdekur nga shembja e ndërtesës

Tre persona kanë humbur jetën në mënyrë tragjike në fshatin Bratilë të komunës Kodovjat në Gramsh.

Viktimat janë Altin Elezi 37 vjeç, Nazif Boja 22-vjeç dhe Dritan Hoxholli 28-vjeç. Ata kanë qenë duke nxjerrë hekur në një ndërtesë të vjetër tek godina e ish-rezervave të shtetit në fshatin Bratilë.

Shembja e ndërtesës së amortizuar ka zënë brenda të 3 personat duke iu shkaktuar vdekjen e menjëhershme. Forcat e policisë kanë mbërritur në vendin e ngjarjes të njoftuar nga banorët e zonës dhe kanë nxjerrë nga rrënojat trupat e pajetë të tre të rinjve.

Ndërsa grupi hetimor ka mbledhur provat për të zbardhur detajet e tragjedisë së rëndë që iu morri jetën tre personave.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30