Flutur Tafilaku:Mos e vrisni mesuesin

nga **Agim Gashi** Sat Mar 05, 2011 10:22 pm

Flutur Tafilaku:Mos e vrisni mesuesin

( Requiem në prag të përvjetorit për mësuesin vullnetar,:

" A ju kujtohet Dita e parë e shkollës ?)

Po mesuesi i parë, a nuk ju ngjante në shumë aspekte me prindin?"
-"Jo."
"Pse? A nuk ju këshillonte prindi për të gjitha?
Po mesuesi nuk bënte të njëjten gjë?
A nuk donte prindi që të ishit fëmija më i mirë i lagjës?
Po mësuesi a nuk donte që të ishit nxënësi më i mirë i shkollës?'
-"Po."
-"Atëherë pse e "vrisni" mësuesin?
-"Cfare,nuk po e vrisni?.
Po, po ate po bëni.Veç e veç, e të gjithë bashkë .?"
-"Po,si po e vrasim me revole apo me pushkë?"
-"Jo zotëri, ju nuk jeni aq budalla sa të mbani armë pa leje.
Dhe nuk jeni,gjithashtu aq trim sa ta shkrepni ate. Ju po e vrisni mësuesin me qendrimin tuaj, me indiferencën tuaj.
Arma nuk është dhe aq moderne sot në shekullin e 21-të. Ajo është ndryshkur tashmë. Më duket se Tunqi e hodhi thiken gjakatare nga shkëmbi në përrua bashkë me Ndrion.Me helm?
Jo vrasësit e Luigj Gurakuqit e harruan në një sendyk, dhe nga koha ka marre lageshtirë.
Pushka ?!
Jo as ajo.Pasi vrau Komisarin e Drites,Ndre Ndue Gjoken i erdhi koha e skadencës.Ju zotëri me pushtet e pa pushtet, me autoritet a pa autoritet, me
llogjikë a pa llogjikë,me forcë a pa forcë, po e vrisni mësuesin.
Ate qe ju skaliti "
Mësuesit
"Cfarë nuk më kuptoni?Po si t'ju them.Ne përbërjen tonë kemi portretin fizik dhe moral. Te dyja janë baras me ty.Portretin fizik tëndin e kanë krijuar prindërit e tu, ndërsa portretin moral (si sillesh,si vishesh,si komunikon...)e ka krijuar mësuesi , Ne se thua se nuk të intereson kjo shprehje e konsumuar portret moral, atëherë unë po te kujtoj se pa te je vetëm një qenie biologjike qe vegjeton, që në bazë të teorisë se Maslovit ke ngelur tek klasa e parë, Dhe si i tillë je mendje ngushtë, nuk shikon më larg se xhepi yt, dhe vret mësuesin. Si nuk e kupton se çfarë po them!
E, natyrisht, e thamë që në shkallen e parë të teorisë Maslovjane, njeriu plotëson nevojat fizike ,ushqim, strehim (dmth para), Kjo është klasa se cilës se ti the që nuk e përfill portretin moral. Po ta përfillje do te ngjiteshe në shkallen e pestë qe është vlerësim për veten dhe të tjerët. Respekt për ata që te skalitën.
-"Nuk me besohet që bën mësim pa pagesë, pse budallenj jeni?"
-"Ja si po me vret, Me fjalë. Zotëri punën time, pasionin tim, qëllimin e asaj për çfarë kam studiuar po e shkermoq me një fjalë."
_"C'të bëj , ta mbyll shkollën baba? Asnjë nuk interesohet, nuk na paguajën as shteti, as komuniteti, as prindërit"
-E, ç´do besh moj bije ato 4-5 ore qe bën vullnetarisht shqip?"
-"Do hekuros rrobat e ndonjë greku e do paguhem 50 euro"
-"E ç'do besh me ato para?"
-"Ja, do të blej me tepër ushqim, rroba, do dal..."
-"Do dalësh,do vishesh,do hash më mirë, por, do të te vrase ndergjegja qe pate mundësi të besh diçka për Kombin,dhe. nuk e bëre"
-" Domethënë unë Cuca e Maleve ?"
-"Nuk mbarova. Ai nxënës që ke sot ne klasë do të të kujtoje gjithmonë qe i mësove Gjuhen e Nënës. Dhe mirënjohja e gjyshës se tij qe nipçja flet shqip me te, nuk ka te paguar. Vlerësoje këtë ne se do te te vlerësojnë te tjerët" - e mbylli bisedën babai im zemërbardhë.
Ngaqë unë i besoj më shumë babait se instikteve te mija, vazhdoj, përpiqem, Ndërsa. ti mediokër nuk e vlerëson punën time.Jo vetëm aq por me vret, me fjale, me heshtje, me mosangazhim, me mospërkrahje, me nënvleftësim, me hamendje, me pikëpyetje...Dhe unë vazhdoj. Çfarë më shtyn një djall apo një engjëll?!...
Ndrek Luca do te thoshte djalli .
-Po ti ,ç'thua ?
Ne se do te me vrasësh, me mire mos fol fare...

Flutur Tafilaku

Autorja është mësuese vullnetare e fëmijëve shqiptarë për gjuhë shqipe në Athinë - Greqi

Solli për botim:Abaz Fejzullahu

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31