Arrestohen 4 femra dhe 4 meshkuj për prostitucion

nga **Agim Gashi** Sun Mar 06, 2011 1:37 am

Arrestohen 4 femra dhe 4 meshkuj për prostitucion

Policia e Kosovës, njësia për hetimin e trafikimit me qenie njerëzore, pas një hetimi që kishte filluar muaj më parë në rajonin e Ferizajt, ka arritur të vë nën pranga 8 persona (4 femra dhe 4 meshkuj) si të dyshuar për mundësim dhe marrje me prostitucion

Arrestohen 4 femra dhe 4 meshkuj për prostitucion Arrestime_508511810

Prishtinë, 5 mars 2011 - Policia e Kosovës, njësia për hetimin e trafikimit me qenie njerëzore, pas një hetimi që kishte filluar muaj më parë në rajonin e Ferizajt ka arritur të vë nën pranga 8 persona (4 femra dhe 4 meshkuj) si të dyshuar për mundësim dhe marrje me prostitucion.
Policia thotë se hetuesit e saj kishin nisur hetimet pas marrjes së informacioneve se bëhet fjalë për një grup personash të dyshuar, pronarë të moteleve-restoranteve që shfrytëzonin femra (shtetase ukrainase) për qëllime të shfrytëzimit seksual.
Personat e dyshuar janë vën nën pranga të shtunën, ndërsa policia ka kryer kontrolle në 12 lokale të ndryshme, përfshirë edhe lokalin “Moulin Rouge” në Prelez të Muhaxhirëve, ku dyshohet se janë kryer veprat penale mundësim në prostitucion dhe dhënie pas prostitucionit.
Personat e arrestuar janë katër shtetas ukrainas një shtetas turk dhe tre shtetas shqiptar kosovar, ndërsa mosha e tyre është nga 22 deri 40 vjeç.
Sipas policisë të gjithë të arrestuarit me urdhër të prokurorit janë dërguar në qendrën e ndalimit.
Gjatë këtij operacioni janë mbyllur edhe tri lokale të tjera nga inspektorët e punës, ndërkohë janë gjetur edhe njëmbëdhjetë shtetas të huaj duke punuar dhe qëndruar në Republikën e Kosovës pa leje adekuate me ç’ rast është informuar Drejtoria e Policisë për Migrim, e cila është duke u marrë me procedurat tjera.
Njëkohësisht janë kontaktuar edhe 38 femra nga ana e policisë dhe 171 mysafirë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30