Mentor Thaqi:SHKOLLA IME, MËSUES, URIME DHE GËZUAR 7 MARSI, DITA JUAJ!

nga **Agim Gashi** Tue Mar 08, 2011 5:47 am

Mentor Thaqi:SHKOLLA IME, MËSUES, URIME DHE GËZUAR 7 MARSI, DITA JUAJ!

Alim e Dhaskal, me të njëjtin kuptim e qëllim,
Mësues, me një fjalë, një Urim e Përgëzim!
Nga Korça, Manastiri, Zymi, Janjeva, Shkodra, Elbasani,...
vet Todhri, Çiriazi, Tahsini, Gjeçovi, apo Kristo-Negovani?!

Eh, disa u vranë, u zhdukën, u varën, a ku vanë?!
Për Shkronjat e rënda plumb, gjithmonë në thumb,
e ne trashëgim na e lanë, atë që sot e ruajm,
që shpirtin peshë mbanë, sublime, me të s´luajm!

Po po, kjo gjuhë e bukur, e shenjtë, e lashtë e stërlashtë,
aq e kompletuar që e shkapërderdhur, me gjak e bëmë bashk!
E shkelur, e ndaluar, e përbuzur, e burgosur nga injorancë
e fçinjëve bukëshkalë, që i bëmë e ngritëm, na vuan ndërskamcë!

Qoftë Janjeva, Voskopoja, Shkodra, a cilido qoftë,
që për kohën, dhanë Shkolla Shqipe, Qytetërim, Kultur,
por, Korça jonë, më vonë, hë Zoti e bekoftë,
hapi Shkollë të Re Shqipe, me Shkronja gdhendur n´gur!

Eh, Mësuesit e mi, Ju të nderuarët, ajka e Kombit,
keni Ditën tuaj e të Shkollës, me Bekim të Zotit
dhe Shqipja ime e ligjëruar, në Shkollën time t´Re,
ka nevojë për tu restauruar e kompletuar edhe sot si dje!

Gjërsa n´jug t´jenë Gegë, në veri Toskë, në nderim ndërsjellës
dhe pa inferioritet, mani, injorancë, të dakordohemi bashk,
të plotësojmë Gjuhën me Vlerat-Pasuri dy-Dialektesh,
në Shkollën tonë Shqipe të Re, me Gjuhën tonë të Lashtë!

Le të jetë ky Misioni i Gjuhës, Shkollës, Mësimit, ...
një bashkëpunim i drejtë, unik dhe Gjithëkombëtar,
për Ditën tuaj të dashur Mësues, në cilësi të Urimit,
përveç respekt-nderimit, ju uroj suksese dhe punë të mbarë!

Mentor Thaqi VS., 07.03.2011

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30