Çdo gjë që ka të bëj me trupat e KFOR-it

SHBA-të të zhgënjyera me vendimin e Spanjës

Shtetet e Bashkuara thonë se janë shumë të befasuara dhe "thellësisht të zhgënjyera" me vendimin e Spanjës për tërheqjen e trupave nga Kosova. Spanja ndërkaq ka kërkuar nga Shtetet e Bashkuara të respektohet vendimi për tërheqje.

Shtetet e Bashkuara thonë se janë shumë të befasuara dhe "thellësisht të zhgënjyera" me vendimin e Spanjës për tërheqjen e trupave nga Kosova. Ne jemi thellësisht të zhgënjyer me këtë vendim të Spanjës", tha zëdhënësi i Departamentit amerikan të shtetit, Robert Wood.
Ai në vazhdim tha se në vitin 1999, aleatët e NATO-s "u pajtuan në parimin së bashku brenda, së bashku jashtë", prandaj "ne jemi të befasuar nga ky vendim". Sipas tij, Shtetet e Bashkuara nuk pajtohen "assesi" me pikëpamjen e Spanjës, se misioni në Kosovë është esencialisht i përfunduar. Spanja ka kërkuar nga Shtetet e Bashkuara, që ta respektojnë vendimin e këtij vendi për tërheqjen e trupave nga Kosova, pasi Uashingtoni ka shprehur zhgënjim me këtë zhvillim. "Ne respektojmë pozicionin e vendeve të tjera, por njëherësh kërkojmë për respekt të pozicionit tonë", kanë thënë burime nga zyra e kryeministrit të Spanjës, Luis Rodriguez Zapatero. Duke folur sot në Bruksel, kryeministri Zapatero, këmbënguli se trupat e Spanjës po tërhiqen nga Kosova, për shkak se siguria është përmirësuar dhe se roli i Spanjës më nuk ka kuptim, për arsye se ky vend nuk e ka njohur pavarësinë e Kosovës. "Para një viti, Kosova njëanshëm e shpalli pavarësinë dhe siç është mirë e njohur, Spanja nuk e njehë këtë", u tha ai reporterëve sot në Bruksel

Shefer: KFOR-i nuk mund të zvogëlojë trupat



Bota Sot
“Çdo ndryshim i rëndësishëm në numrin apo strukturën e KFOR-it duhet të merret brenda Aleancës kur të biem dakord se kushtet e sigurisë dhe ato politike e lejojnë një gjë të tillë”. "Ky moment nuk ka ardhur ende", tha Scheffer.

Prishtinë - Spanja do të tërheq të 630-të trupat e saj nga KFOR-i gjatë muajve që vijnë. Ministrja e mbrojtjes së Spanjës Carme Chacon, ka thënë se është koha që ushtarët e Spanjës të kthehen në shtëpi.
Sekretari i Përgjithshëm i NATO-s Jaap de Hoop Scheffer ka tërhequr vërejtjen kundër zvogëlimit të ndjeshëm të pranisë ushtarake në Kosovë.
Reagimi i kreut të NATO-s erdhi pas lajmit se Spanja do të tërheqë gjithë trupat që janë në kuadër të KFOR-it.
“Çdo ndryshim i rëndësishëm në numrin apo strukturën e KFOR-it duhet të merret brenda Aleancës kur të biem dakord se kushtet e sigurisë dhe ato politike e lejojnë një gjë të tillë”, tha Scheffer. "Ky moment nuk ka ardhur ende", ka cituar kreun e Aleancës zëdhënësja e NATO-s.
I pari ka reaguar zëdhënësi i NATO-s Xhejms Apaturai. Sipas tij Spanja me këtë vendim ka shkelur procedurat e tërheqjes së trupave të saj nga Kosova, ndërsa ai nuk ka dhënë hollësi të tjera nëse do të merret ndonjë sanksion ndaj Spanjës.
“NATO nuk e ka mirëpritur vendimin e Spanjës për tërheqjen e trupave të saj nga Kosova”, tha ai. Zëdhënësi i NATO-s Xhejms Apaturai për disa media nga Kosova ka thënë se çdo vendim për tërheqjen e trupave duhet te bëhet me konsulta paraprake, ndërsa Spanja nuk i ka respektuar procedurat. “Sekretari i Përgjithshëm nuk është aspak i kënaqur me këtë vendim, ai mendon se çdo vendim që ka të bëje me trupat e KFOR-it duhet të jetë i bazuar me këshilla ushtarake”, bëri të ditur Apaturai. Sipas tij Spanja me këtë vendim ka shkelur procedurat e tërheqjes së trupave të saj nga Kosova , ndërsa ai nuk ka dhënë hollësi të tjera nëse do të merret ndonjë sanksion ndaj Spanjës.