Akllapi Net - Forum i Hapur
Would you like to react to this message? Create an account in a few clicks or log in to continue.
Akllapi Net - Forum i Hapur

“REPETICIORUM EST MATER STUDIORUM”

Akllapi Net - Forum i Hapur :: Forum i Përgjithshëm :: Opinione

Shko poshtë

“REPETICIORUM EST MATER STUDIORUM” Empty “REPETICIORUM EST MATER STUDIORUM”

Mesazh nga Agim Gashi Thu Nov 27, 2008 3:12 am

Adnan Abrashi: ‘’Repeticiorum est mater studiorum’’

“REPETICIORUM EST MATER STUDIORUM” U1_adnan_abrashi
“REPETICIORUM EST MATER STUDIORUM”
Nga Adnan Abrashi
“Repeticiorum est mater studiorum” (“përsëritja është nëna e të mësuarit”) , thonin latinët e vjetër. Dhe kjo është e qëlluar. Por, për ne shqiptarët, jo vetëm e qëlluar, por edhe tejet e nevojshme...
Pikërisht para 96 viteve, në ditën e festës tonë të madhe kombëtare të Flamurit dhe Pavarësisë, nga ballkoni i shtëpisë së Xhemil Beut, Ismail Qemali mbajti një fjalim të shkurtër para popullit të Vlorës dhe rretheve të tjera, ku ndër të tjera tha:
“Ja, pra, ky është flamuri ynë! I kuq e me shqiponjë dykrenare në mes. Dhe tani të gjithë bashkohuni si një trup i tërë dhe i pandarë, le të punojmë për ta përparuar e për ta qytetëruar, si i ka hije Atdheut tonë të lirë. Duke përfunduar, nuk më mbetet tjetër gjë, veçse t’i drejtoj një lutje Zotit të Math për bekimet e Tij...”.
Dhe sot.si kujtesë ogurzi, pikërisht pas 96 viteve, në dy pjesët e gjysmave të një trungu të pandashëm të quajtur SHQIPËRI, ngjau diçka që më së paku duam të besojmë të jenë si ngjashmëri: MARRËZIA! Po, po! Marrëzia!
Jo aq moti, në Senatin e njërës anë të gjysmës së këtij trungu, disa, thuaja përzgjedhës të popullit, e votuan një ligj, i cili, në hapësirën e një pashallëku të vetëshpallur, nuk parasheh që dita e 28 Nëntorit, të na bëhet si kremte zyrtare.
Merreni me mëndë! Me këtë ligj, festa asaj “lecke” të gjakosur ndër mote dhe me shkabën e zezë dykrenore në mes, të cilën, duke e ngritur para më se një shekulli simbolikisht në Vlorë, plaku i urtë i kombit, Ismail Qemali, na damkos si vatan, me emirin e bekuar SHQIPËRI, ajo sot, nëpër kalendarët tona, nuk do të “shkarravitet” me ngjyra të dukshme si ditë pushimi dhe kryeministri i saj me gjithë administratën, do ta festoj atë ditë në zyre duke i kryer detyrat e veta kushtetuese...
O tempora, o mores!
Që nga ajo kohë kur lindi, e reshtur nëpër mote, kjo “leckë”e gjakosur njollëzezë, qe për ne gjithçka! Çdo gjë mbi të gjithash! Fashë për plagët tona, qefinë varrimesh, bajrak çiftëzimesh, emblemë djepash në kokë të foshnjave, vjershë ninullash, strofë këngësh kreshnike me lahutë dhe çifteli, prijëse nëpër beteja dhe luftëra për liri...dhe kështu sërish prej fillimit dhe bredhjes tonë nëpër histori...
E, sot, një SENAT deshi ta varros atë pavdekësi!?
Nuk ka më keç, a po? Në dukje, jo! Por, ja se ka! Ka edhe më keç dhe ajo ndodhi! Ndodhi më zi pikërisht në AMË; mu në zemër të ati trupi të copëzuar! Mu në atë odë të madhe të shqiptarisë, ku kjo “leckë” e gjakosur u bë mit dhe embleme e pavdekësisë.
Sikur te ne çdo gjë përsëritet? Po, po, përsëritet! Dhe...çuditërisht, edhe MARRËZIA.
E shikoni? Edhe kjo tjetra u bë ngjashëm në SENAT! Në një tubim të sojit burrash, kinse të urtë dhe të mençur?.
Çfarë blasfemi kombëtare?!
Çfarë përulje degraduese morale?!
Në qytetin e bekuar të Vlorës, një Senat i një shtëpie të lartë të dijes, i quajtur UNIVERSITET, i propozon vetes të sakatohet. Të cungohet, sepse nuk duron dot të quhet “Universiteti i Vlorës – Ismail Qemali”, por, vetëm, “Universiteti i Vlorës”.
Merreni me mënd? “Më të mençurit” të kësaj skrofulle të dijes, turpërohen ta mbajnë emrin e babait tonë të kombit, Ismali Qemali?!
Por, sa jehoj si marrëzi ky propozim, po aq duhet të merret si e qëlluar, në njëfarë mënyre. Deri sa në të, të ketë kësi soji pedagogësh dhe ligjëruesish, ndoshta ky Universitet edhe nuk meriton ta ketë atë emër madhor?!
Duket cinike pa sa ky konstatim, a po? Ashtu edhe është. Një përgjigje adekuate dedikuar cinizmit konkret.
Ha, ha, ha...Unë vazhdoj më tej të qeshem. Me buzëqeshje përplot cinizëm, kuptohet.. Sepse, nëse bëhem serioz, atëherë, këtyre bajlozëve më duhet t’ju porosis kështu:
Ooo... senator, parlamentar, pseudo dijetar dhe intelektual mediokër! Sa herë që doni mbytni dhe varrosni trupin, por nuk vdes dot shpirti...
Dhe...e vërejtët edhe vetë! Kot tentuat ta varrosni pavdekësinë...
Vërtetë përsëritja e kujtesës është nëna e të mësuarit , apo jo?
Agim Gashi
Agim Gashi
Administrator
Administrator

Numri i postimeve : 45955
Age : 70
Location : Kosovë
Registration date : 17/11/2008

Mbrapsht në krye Shko poshtë

Mbrapsht në krye

Akllapi Net - Forum i Hapur :: Forum i Përgjithshëm :: Opinione

 
Drejtat e ktij Forumit:
Ju nuk mund ti përgjigjeni temave të këtij forumi