Tahiri: Nuk ka bisedime për veriun dhe integritetin territorial

nga **Agim Gashi** Sat Mar 12, 2011 10:45 pm

Tahiri: Nuk ka bisedime për veriun dhe integritetin territorial

Shefja e ekipit të Kosovës në dialogun me Serbinë, Edita Tahiri, pas kthimit nga Brukseli, ka thënë se në rrethin e parë të dialogut nuk është arritur ndonjë marrëveshje, porse ka përparime në temat e diskutuara, përderisa ka përsëritur se integriteti territorial i Kosovës është vijë e kuqe në këto bisedime dhe si i tillë do të jetë gjatë gjithë dialogut.

Në një konferencë për media të shtunën në Aeroportin Ndërkombëtar “Adem Jashari” në Prishtinë, zëvendëskryeministrja Tahiri ka thënë se gjatë bisedimeve nuk do të diskutohet për veriun, por vetëm për integrimin e komunitetit serb në institucionet e Kosovës. Ajo ndërkaq beson se në të ardhmen Serbia do ta njohë Kosovën si shtet sovran.

Më 8 dhe 9 mars në Bruksel është mbajtur rrethi i parë i dialogut ndërmjet Kosovës dhe Serbisë, me ndërmjetësimin e Bashkimit Evropian, në të cilin janë diskutuar çështje të ndryshme si telekomunikimi, personat e pagjetur, CEFTA, trafiku ajror, vulat doganore, kadastrat dhe regjistri civil.

Palët kanë shprehur gatishmërinë që të vijnë në Bruksel sa herë që të ftohen dhe duke pasur parasysh vullnetin e BE-së, takimet e tilla do të ndodhin të paktën dy herë në muaj dhe varësisht nga intensitetit do të shihet edhe kohëzgjatja e këtyre raundeve

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30