Asllan Dibrani: Simpozium i 30 - vjetorit të demonstratave të vitit 1981 në Zvicër

nga **Agim Gashi** Wed Mar 16, 2011 1:56 pm

Simpozium i 30 - vjetorit të demonstratave të vitit 1981 në Zvicër

Tema

Ndikimet e aparaturës serbe në prishjen dhe përçarjen ndër familjare pas ngjarjeve të vitit 1981 në Kosovë

Nga Asllan Dibrani

Për shkaqe të hegjemonizmit lakmisë ,dhe apetiteve për pushtime të reja në formë agresive , Serbisë nuk i mbeti asnjëherë kohë pasiviteti, por gjithnjë aparaturën e vet e intensifikoj në ofensivë veprimi kundër Kosovës. Për ta ushtruar një terror të vazhdueshëm kriminal nga të gjitha format ma të vrazhda, për t'i realizuar ëndrrat e veta, për një Serbi të madhe si hegjemoniste dhe agresore ndaj fqinjëve !?... Ky agresivitet i Serbisë ishte i theksuar kundër shqiptarëve në të gjitha kohërat po si motiv i shkrimit do të jetë pasqyrimi i metodave të saj që i praktikojë pas ngjarjeve të vitit 1981 , duke gjetur formën e diferencimit politik si shqiptar i pa përshtatshëm ideo-politikisht duke na quajtur si irredentist,nacionalit, armiq,kundërrevolucionar,terrorist,antijugosllav, dhe shumë e shumë etiketa të ndryshme me të cilën i shkaktojë popullit mjaft ndasi ,përçarje, huti, imponime, njolla,ndasi familjare, ndasitë individuale, ndasi në vende kolektive siç ishin diferencime në shkolla ,fabrika,organizata etj. Joshja dhe tërheqja nga ana e pushtuesit për disa shqiptarë "të ndershëm" qe ishin tradhtar ndaj çështjes shqiptare,si njerëz të mirë për njerëzit analfabet dhe projugosllav! Një pjesë ishin të përkëdhelurit dhe bashkëpunëtorët ma të afërm të sistemit ish jugosllav ( në organet e Serbisë)gjë qe në praktikë i kushtojë popullit shqiptarë mjaft në stilin "Përçajë e Sundo".

Diferencimit politike në Kosovë pas ngjarjeve të vitit 1981

Aparatura serbe nga Beogradi zhvilloj një propagandë dhe një sundim të egër ndaj popullit shqiptar, nga te gjitha periudhat, por me kalimin e kohës, ajo shtriri reprezaljet e veta duke i ngushtuar të gjitha hapësirat e jetës popullit shqiptar të Kosovës. Kosova pa të drejtë mbeti nën administrimin e ish Jugosllavisë artificiale mbas luftës së dytë botërore. Shqiptarët shprehen pakënaqësinë e vet edhe me front luftarak siç ishte brigada e Shaban Polluzhes etj , por dinakëria serbe ndikoj qe të ndahet Kosova nga Shqipëria qe e kishte pjesë të veten në te gjitha kohërat . Menjëherë pas luftës së dytë botërore vazhdoj terrori kundër shqiptarëve pa të drejtë shkolle,pa te drejtë flamuri, pa te drejtë të përdorimit të gjuhës etj. Pastaj sipas planeve serbe radhazi vazhdojë mbledhja e armëve nga Rankoviqi, në vitin 1956. Ngjarjet edhe protestat e studentëve shqiptarë në vitin 1968, ishin të përgjakshme, por edhe sinjal i mirë drejt ngritjes së vetëdijes së popullit shqiptar nga Kosova , ajo rezistencë vazhdoj edhe në të ardhmen,ku si me intensive ishin ato të vitit 1981 në të cilën iu bashkuan studentëve ,profesorëve,dhe intelektualeve po thuajse pjesa dërmuese e popullit shqiptar me një qëllim për ndërrimin e statusit nga një krahinë e cunguar në një Republikë të Kosovës, si e pa varur me ç'rast aparatura serbe filloj burgosjet,arrestimet dhe diferencimet politike ndaj demonstruesve dhe popullit në tërësi!?....

Ndikimet e aparaturës serbe në prishjen dhe përçarjen ndër familjare pas ngjarjeve të vitit 1981 në Kosovë

Metodat ma çnjerëzore të regjimit serb në përçarjen e familjeve shqiptare pas ngjarjeve dhe trazirave te vitit 1981, "përçaj dhe sundo" ishte parimi i qarqeve serbe të instaluara në Kosovë që zhvilloj një metodë duke përçare shqiptarët, i arriti disa plan programe të vetat propagandistike qe zhvillonte kundër shqiptarëve në prizmin se shqiptarët e Kosovës janë irredentist,nacionalist,armiq ,antijugosllav,terrorist,antisocialist etj. Jugosllavia artificiale kishte një influencë në botë , nga që shqiptarëve, nuk ju lejonte shtypin të flisnin për veten e vet, nga qe këto ngjarje ishin nën hijen e propagandës serbo-sllave, duke e ndihmuar edhe elita e kuislingve shqiptar të Kosovës se atëhershme ku nga vet goja e përfaqësuesve shqiptar u dënuan ngjarjet si "antijugosllave"se ne ishim rrënues të sistemit jugosllav dhe iniciuan diferencën me ndihmën e qarqeve serbosllave , me çka ne masë u rrit një revolte e madhe në mes politikanëve shqiptar ,policeve shqiptar,juristëve shqiptar ,spiuneve shqiptar,bashkëpunëtorëve shqiptar me organet serbe korrshi anës tjetër popullit shqiptare qe ishte në projektin ideologjik për arritjen e aspiratave të veta etj, Aparatura serbe ndikoj ne prishjen e marrëdhënieve ndërqytetore në Kosovë duke i përçarë pas këtyre ngjarjeve në një shkallë të madhe familjen dhe shoqërinë shqiptare në tërësi!Kur themi kështu e arsyetojmë këtë të dhëne duke pasur me mijëra argumente qe i preku shumë familje si të ndëshkuar në format ma primitive për t'i degraduar si armiq te Jugosllavisë . Në një familje kishte qe nuk flisnin në mes vete, anëtarët e familjes duke u përçarë si pasoje e diktaturës serbe që gjithmonë populli ishte i ndarë ne dy blloqe duke filluar qe nga familja!

Familjet e ish te burgosurve politik në shënjestër politike,morale dhe ekonomike

Kjo propagandë e Serbisë që zhvillonte kundër shqiptarëve pas këtyre ngjarjeve ndikoj edhe ne sistemin juridik, qe krijoj një bindje dhe imponoj qe edhe republikat tjera të sjellin forcat e veta ushtarako policore në Kosovë ,njerëzit ma te degjeneruar për ta qetësuar situatën , ku në një fare mënyre kosovarët u ballafaqonin me reprezalje dhe terrorin e pa parë. Në Kosovë si shtesë përforcuese, për me i shua me dhunë dhe gjak kë ngjarje gjeneronin Sllovenet ,Kroatet ,Maqedonasit,Boshnjaket,Malazezet dhe ata nga Vojvodina të imponuar nga Beogradi. Edhe ata ishin barrë e rëndë mbi supet e shqiptarëve që të shqiptaret ndikoj negativisht e sidomos të familjet të burgosurve politik, ku u diferenconin nga te gjitha segmentet e jetës , ju vinin lloj lloj presionesh dhe pa drejtësi ,nëse një qytetar binte në kundërshtim me ligjin,u arrestonte dhe u burgoste, pastaj si pasojë vinte edhe të ndëshkimi familjar duke i larguar nga puna të afërmit si vëllezër e motra , po edhe ma gjerë në brezin e dytë,për një parullë të shkruar" Kosova Republikë ", u dënonte familja e tij po edhe ai u ndëshkonte me përjashtim nga shkolla ,ose nga fakulteti, me të pa drejtë vazhdimi të mëtutjeshëm. Nënat ,motrat dhe gratë e ish të burgosurve politik ishin nën presione të fuqishme nga organet e udbës së atëhershme, duke u munduar shpeshherë që të ndikojnë edhe në prishjen e martesave, duke i njollosur se rrjedh nga familja armiqësore etj. Aparatura okupuese e Serbisë bënte presion në personat tjerë që ishin të fejuar apo të martuar me ata qe ishin ne burg, me qëllim qe mos ta presin të dashurin e vet deri sa ta kryejnë vuajtjen e dënimit ku është tentuar që ta cenojnë moralin dhe integritetin e femrës po edhe të familjes shqiptare .Thuajse pjesa dërmuese e ish të burgosurve politik, ishte në vuajtjen e dënimit jashtë Kosovës , ku një vizitë familjes për ta vizituar në burg djalin e vet apo të bijën kostoja ishte e madhe, sa që ndikonte edhe në gjendjen ekonomike të tyre, ku shpesh herë familjet e të burgosurve nuk kanë pasur mundësi për shumë muaj me i vizitua të afërmit e vet.

Ish të burgosurit politik edhe pas vuajtjes se dënimit nën presione të ndryshme nga diktatura serbe

Pas këtyre ngjarjeve pasuan burgosjet e studenteve, profesorëve , intelektualeve , punëtoreve, dhe nxënësve në të cilën u ashpërsuan presionet në këtë shtresë të popullatës ku shpeshherë është përcjellë hyrja-dalja në ato familje nga personat e udbës serbo-sllave me bashkëpunëtorët e vet . Në shenjë diferencimi është bërë edhe shumë presion tek te afërmit e vet që kanë lind dhe rritur bashkë si shokë të punës ,të shkollës e gjetiu .Këto reprezalje sa u shtonin dhe u rritnin dita ditës!... Në këto raste familjet e ish te burgosurve politik kishin pasoja jetike edhe pas vuajtjes së burgut. Të burgosurit politik kishin një statut të veçantë të qytetarit edhe pas vuajtjes se dënimit , duke e obliguar që të lajmërohet në polici çdo ditë javë e muaj , duke mos i lënë asnjë hapësirë veprimi ,ndalim shkollimi ,ndalim punësimi, ndalim integrimi në shoqëri me një fjalë e gjithë familja ishte nen presionin fizik dhe psikik të vazhdueshëm! Pas vuajtjes se dënimit në shumë raste janë vizituar në forme masive ish të burgosurit politik nga popullata,por në të shumtën e rasteve nën përcjelljen e diktaturës serbe sa qe shpesh herë edhe miqësia e lidhur me dhjetëra vite ma herët është rezervuar t'i bëjë vizitë familjes së ish të burgosurit,ose ka pasur shpeshherë raste që edhe natën të bëhen vizita për ish te burgosurit për t'i humbur gjurmët e vizitës me një fjalë diferencimi politik ndikoj në shumë sfera të jetës se familjes shqiptare pas ngjarjeve të vitit 1981 në Kosovë.

Shkruan Asllan Dibrani 06.03.2011 Zvicër

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31