Nëna Tereze, krenaria gjithë kombit shqiptar

nga **Agim Gashi** Fri Mar 18, 2011 2:34 am

Nëna Tereze, krenaria gjithë kombit shqiptar

Nga Asllan Dibrani
Reportazh

Nëna Tereze, krenaria gjithë kombit shqiptar Repo_14

Duke e konsideruar vitin 2010 si "Vitin e Nënë Terezës”, në mbarë botën shqiptare u nderua, u manifestua, dhe u përkujtuan me një sërë aktivitetesh të posaçme 100 vjetorin i lindjes së Nënë Terezës. Kalendar i pasur veprimtarish kulturore kushtuar kësaj figure i pushtoi që nga institucionet ma te larta shtatore në Shqipëri, Kosovë , Shkup. në Preshevë në mërgatën shqiptare kudo që janë të shpërndarë nëpër botë shqiptarët.

Me portretin dhe emrin e humanistes së madhe, me thënie e dedikime të saj u pllakosen ndërtesat me të larta të kryeqyteteve tona , anës rrugëve dhe bulevardeve u vendosen shenja dhe simbolet e saj . Veç anës dekorative, qytetarët patën mundësi të shikojnë një inventar retrospektiv nga ekspozita me piktura si motiv të figurës se Nënë Terezës, ekspozita fotosh mbi aktivitetin e sajë në jetën e përbotshme humanitare, botime librash për jetën, për të kaluarën e lavdishme te saj, të një gruaje me një zemër humaneje, dhe dokumente të aktivitetit të Gonxhe Bojaxhiut anembanë botës së bamirësisë, në organizata, qeveri dhe ku jo! Këto materiale piktura,libra,gazeta,artikuj filma dokumentar monografi dhe një thesar i madh dokumentesh, sot janë arkivuar dhe ekspozuar në Biblioteka, Muze Kombëtare, Kisha etj. Me emrin e saj sot shqiptarët kane kurorëzuar objekte publike të mëdha, siç janë spitale, shkolla,bulevarde qytetesh, por ma te veçanta janë sheshi i Nënë Terezës në Tiranë ,sheshi i Nënë Terezës në Prishtinë , Aeroporti i Rinasit në Shqipëri .Me emrin e Nënë Terezës dhe shumë organizma te tjerë janë emëruar duke e nderuar këtë figurë aq madhështore por një nder to vlen ta themi se Katedralja e posa hapur në Prishtinë me emrin e saj ia shton vlerën popullit të Kosovës ku ëndrra e saj në forme instiktive u arrit sa do pak , sepse gjithë këto manifestime dhe nderime kushtuar 100 vjetorit te Nënë Terezës e zbehu mungesa e eshtrave të saj që nuk pushojnë ne vendin e vet, ku kishte me ju shtua imazhi dhe krenaria gjithë kombit shqiptar kudo që të ishte varri i saj në Tiranë, Prishtinë apo në Shkup. I ngjashëm një tubim me karakter përkujtues u mbajt para pak ditësh edhe në Gjermani nga "Lidhja e Shkrimtareve ,Krijuesve dhe Artisteve Shqiptarë në Gjermani" , nga trungu dhe promotori i vetëdijes kombëtare qe po i ndjek gjurmët e rilindëseve dhe patrioteve gjatë historisë në mërgatën shqiptare për çështjen e atdheut.

Program me përmbajtje të pasur kulturore

Salla ishte e stolisur me një petk manifestues ku në pamjen e skenës dominonte figura e Nënë Terezës dhe mbishkrimi kushtuar këtij takimi. Takimi u mbajt ne një shtëpi kulture Gasstraße -10 58256 -E n n e p e t a l të rrethin të Dortmundit të Gjermanisë. Ishte kënaqësi ta përjetosh një atmosferë festive nga njerëzit me lami të ndryshme të kulturës dhe veprimtarisë artistike të mbledhur për një figurë me emër botëror. Fillimisht u prezantuar një studente Bleta Kelmendi qe i përshëndeti të pranishmit në të dy gjuhët. Nikollë Gjoni qe përfaqësonte Shoqatën “Stublla”, i përshëndeti të pranishmit dhe u paraqit me një poezi kushtuar Nënë Terezës e shkruar nga poeti ynë Hasan Qyqalla.

Pastaj ne skenë u ftua zoti Hasan Qyqalla ta paraqes tekstin dhe fragmente të zgjedhura nga Dr. Don Lush Gjergji studiues i biografisë së të madhes Gonxhe Bojaxhiu - Nënë Tereza, qe për shkaqe objektive nuk mundi te marre pjesë në këtë takim!Tekstin e zotit Qyqalla e prezantoj në gjuhën gjermane z. Ferdinantd Nokaj. Këngëtari popullor Agim Gashi recitoi një poezi kushtuar Nënës Terezë dhe këndoi këngë për Nënë Terezën. Dy vëllezër dhe motër Brikenë, Bledar dhe Blegin Berisha nga shkolla shqipe dhe shoqata ”Iliria” e Heildelbegut u paraqiten me këngë dhe e përcollën programin në disa pika gjatë prezantimit. Udhëheqësja e programit z.Blerta ju uroj mirëseardhje përshëndetëse disa miqve gjerman qe ishin ne sallë , një nder to ishte edhe Renate Fuest dhe zonja Shukrie Ismaili nga partia e SPD-së gjermane. Shkodran Tolaj një tenor i muzikës dhe këngës universale i mahniti publikun me një paraqitje shume atraktive qe i dha sallës një manifestim artistik.

Asllan Dibrani anëtar i kryesisë së LSHAKSH-së i përshëndeti të pranishmit për pjesëmarrje në këtë takim dhe informoj të pranishmit me aktivitetin e sektorit të artit pamor pranë LSHAKSH-së, ku i publikoj emrat e mese 39 piktorëve dhe skulptorëve brenda Gjermanisë dhe jashtë saj, që do të jenë një seksion veprues në shoqatë dhe për planet e shtrirjes së këtij sektori edhe jashtë kufijve të Gjermanisë, ku nder të tjera theksoj me sa vijon duke u përqendruar në ekspozitën e kësaj dite kushtuar kësaj Akademie.

Ekspozita me vlera të theksuara artistike

Për programim e sotshëm kushtuar kësaj akademie me një theks të veçantë përshëndes piktorët dhe skulptorin Male Myrten që me qindra kilometra morën pjesë në hapjen e kësaj "Ekspozite" të artit pamor ,një art qe sot i bashkuan brushat dijen,dhe krijimtarinë e vet qe një here është edhe tubimi i dytë në LSHAKSH-së, pos ekspozitës qe u hap në takimin e orës letrare kushtuar Azem Shkrelit.
Në këtë takim në shenjë përkujtimi të 100 vjetorit të lindjes së shenjtores së madhe Nënë Terezës pjesëmarrës të kësaj ekspozite janë: Malë Myrtaj skulptor,Dan Gashi,Sokol Maloku, Asllan Dibran Valdete Berisha dhe Augustin Pergega piktor .
Pastaj zoti Dibrani tha aktivitet i veçante aktual i imi është qe ta themelojmë një "Shoqatë të piktorëve dhe skulptorëve në mërgatën shqiptare në shtetet e Evropës me seli në Gjermani" e cila do te jetë si urë lidhëse dhe ambasadore për artin dhe pikturën shqiptare në Shqipëri , Kosovë dhe trojet tjera shqiptare.
Pastaj ne vazhdim tha që 15 vite me aktivitete të herëpashershme me biseda, takime, thirrje, konsulta, sot i kam tubuar rreth vetes mese 39 piktorë të ndryshëm në Gjermani, Austri, Holande, Belgjikë, Zvicër etj , që pritet kjo ide të bëhet realitet.
Një shoqatë, e cila është shumë e domosdorëshme të veproj dhe ta bashkojë artin e brushave të tyre në Gjermani dhe vendet e lartshenuara.
Në skenë u ngjit Pal Sokoli i cili i gjithashtu i nderoj publikun dhe u paraqit me dy rrëfime nga libri”Thëllim në dashuri” dhe një poezi kushtuar Nënës nga libri “Kambanë e pëlcitur dhembja”. Shaban Cakolli pasi përshëndeti të pranishmit për pjesëmarrje në këtë manifestim, foli edhe për letërsinë shqipe në përgjithësi dhe me theks të veçantë letërsinë e mërgatës “Letërsia në mërgim. Z. Cakolli lexoi poezinë “Pëllumb i huaj” nga libri i tij “Tokë Dardane”gjithashtu me tematikë për Nënën Terezë. Zoti Dibran Demaku shkrimtar i shprehu falënderimet ma të sinqerta ndaj pjesëmarrësve edhe theksoj se ne sot kur po përkujtojmë 100 vjetorin e lindjes se Nënë Terezës duhet ta cekim dhe 31vjetorin e të vetmes shqiptare qe fitoj çmimin Nobel ,e ku pos të tjerash u paraqit edhe me një poezi qe i kishte kushtuar çmimit Nobel të Nënë Terezës.
Me program kulturor takimi u përcjellin nga toneri Shkodran Tolaj i shoqëruar me Driton Gashin, ndërsa si rapsod popullor ishte Agim Gashi me këngëtaren Selvete Terstenen dhe grupi i valltareve.
Komisioni në përbërje të Pal Sokolit, Shaban Cakollit dhe Sadri Gashit pasi i vlerësoi konkurrimet vendosi qe të shpërblej :Vëndi i parë;Valdete Berisha nga Belgjika,Vendin i dytë ju takoj ; Dan Gashi dhe Asllan Dibranit(Gjermani). Ndërsa vendin e tretë e ndanë për ; Sokol Malokun dhe Augustin Pergegaj(Gjermani). Shpërblimin e publikut e mori skulptori z. Malë Myrta për skulpturën “Loti” të cilën ja dhuroi LSHAKSH-së.
Dy piktor Valdete Berisha dhe z. Asllan Dibrani këtë shpërblim i dhanë për “Shtëpinë e jetimëve” në Mitrovicë dhe Asllani shpërblim ja dhuroi LSHAKSH-së.
Z. Martin Çuni, kryetari i LSHAKSH-së në Gjermani, shpërndau edhe disa mirënjohje disa personaliteteve, për kontribut për popullin shqiptar. 1. Bibë Nokaj nga Hageni, 2. Murat Ahmeti nga Ennepetali. 3. Priftin Andreas Wellmar nga Frankfurti dhe 4. Priftin Harald Maron nga Ennepetali, të cilët përgjatë luftës në Kosovë kanë dhënë provat njerëzore dhe humanizmit ne shumë fusha. Këta u shpërblyen me nga një pikturë të piktorit Kastriot Maliqi. Pastaj për kontribut manifestimit për Nënën Terezë morën;1. Selvete Terstena, 2. Halit Berisha. 3. Shaban Cakolli nga një pikturë të Nënës Terezë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30