Obama i paraqet ultimatum Gadafit

nga **Agim Gashi** Sat Mar 19, 2011 12:16 pm

Obama i paraqet ultimatum Gadafit

Presidenti amerikan, Barak Obama në një deklaratë të ashpër nga Shtëpia e Bardhë i kërkoi Muamar Gadafit që forcat e tij të mos u afrohen qyteteve që kontrollohen nga rebelët.

- Presidenti amerikan Barak Obama ka kërkuar një të ardhme të ndryshme për Libinë, pas këtij hapi të rëndësishëm. "Gadafi kuptoi rrezikun që i kanosej, nëse ai do të vazhdonte me sulmet kundër popullit të tij " deklaroi Obama, pa shtuar numrin e atyre qe kanë vdekur.

"Kolonel Gadafi ka një zgjedhje, një armëpushim duhet të implementohet, dhe ai duhet të tërhiqet nga qytetet e rebelëve dhe duhet të sigurojë ujin dhe energjinë", për këto nuk ka negociata" deklaroi Obama. Nëse nuk do të bindet komuniteti ndërkombëtar do të vendosë pasojat.

Presidenti megjithatë theksoi se iniciativa është ndërkombëtare dhe se SHBA nuk do të zhvendosin trupa në terren.

"Qëllimi ynë" tha Obama, në përfundim të fjalimit, është që të fokusohemi, kauza jonë është thjesht koalicioni ynë i fortë".

“Sekretarja e Shtetit, Hillari Klinton do të udhëtojë drejt Parisit për të marrë pjesë në samitin ndërkombëtar për krizën e Libisë. Aty do të diskutohen hapat e ardhshëm që do të ndërmerren pas aprovimit të rezolutës në KS”, shtoi më tej kreu i Shtëpisë së Bardhë.

Ndërkohë, nga terreni mbërrijnë lajme se forcat e Gadafit nuk i kanë reshtur sulmet, pavarësisht pushimit të zjarrit të vendosur si përgjigje e rezolutës së OKB-së që autorizonte përdorimin e forcës për mbrojtjen e civilëve.

Sipas lidërve opozitarë në Libi, shpallja e armëpushimit ishte thjesht një manovër e Gadafit për të fituar kohë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30