Vrasje në Elbasan, shuhet familja me armë zjarri

nga **Agim Gashi** Sat Mar 19, 2011 12:51 pm

Vrasje në Elbasan, shuhet familja me armë zjarri

Një ngjarje e rëndë ka tronditur përsëri mëngjesin e sotëm Elbasanin. Tre vrasje janë regjistruar në një familje sot në mëngjes, kur një person i armatosur ka trokitur banesën e familjeve Muhamedi dhe ka vrarë 3 pjesëtarë të saj dhe plagosur vajzën e shtëpisë.

Burime nga policia bëjnë me dije se sot rreth orës 06:00 pranë shkollës “Jorgji Dilo” janë vrarë me armë zjarri babai me dy djemtë e tij. Viktimat janë Emin, Xhelal dhe Pëllumb Mahmuti.

Kryefamiljari Emin Muahmuti ishte i moshës 60 vjeç, djali Xhelal Mahmuti 40 vjeç dhe djali tjetër Pëllumb Mahmuti 42 vjeç. Mësohet se e plagosur rëndë ka mbetur dhe nusja e njërit nga djemtë, e cila është në gjendje të rëndë për jetën.

Nga hetimet paraprake mësohet se ka qenë një person ende i panjohur për policinë, që ka trokitur në banesën e familjes Muhamedi. Besohet se ky person ka qëlluar për vdekje me pistoletë drejt anëtarëve të familjes.

Policia e vlerëson një ngjarje të organizuar dhe të planifikuar më parë. Por Policia ende nuk ka asnjë të dhënë për autorin e kësaj vrasje të shumëfishtë. Në vendngjarje janë forca të shumta policie.

Ngjarja e sotme pason atë të një dite më parë. Dje paradite qyteti i Elbasanit u trondit kur djemtë vranë nënën dhe motrën e tyre për motive ende të panjohura.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30