Mustafa: Kemi besim në veprën e UÇK-së dhe bartësve të saj

nga **Agim Gashi** Sat Mar 19, 2011 12:53 pm

Mustafa: Kemi besim në veprën e UÇK-së dhe bartësve të saj

Kryetari i partisë më të madhe opozitare, Lidhjes Demokratike të Kosovës, Isa Mustafa ka shprehur shqetësimin e tij për arrestimet e ish-ushtarëve të UÇK-së, duke shprehur besimin e plotë në pafajësinë dhe në pastërtinë e luftës së UÇK-së dhe bartësve të saj.

Ai ka vlerësuar lart edhe gatishmërinë e deputetit Fatmir Limaj për të hequr dorë nga imuniteti, për t’i dhënë hapësirë drejtësisë që ta kryejë punën e saj.

“I shoh me shqetësime këto arrestime dhe ne do të dëshironim që dyshimet të cilat janë paraqitur lidhur me njerëzit që janë arrestuar të mos tregohen se janë të vërteta, sepse ne kemi besim të plotë në veprën e Ushtrisë Çlirimtare të Kosovës dhe në bartësit e kësaj ushtrie dhe nuk do dëshironim që të kemi vlerësime të tilla. Mirëpo meqenëse është çështje e drejtësisë. Ne, po ashtu, përkrahim që drejtësia të vihet në vend dhe shohim si sjellje mjaft të mirë edhe sjelljen e Limajt, i cili vetë u shpreh se heq dorë nga imuniteti për t’i lënë hapësirë drejtësisë dhe unë mendoj se është një shembull i mirë i njerëzve tanë që ta kemi më të rëndësishëm ligjin sesa veten”, ka thënë Mustafa.

Ai nuk ka dashur të bëjë ndërlidhje të këtyre arrestimeve me dialogut Kosovë-Serbi, por ka thënë se LDK-ja vazhdon ta mbrojë qëndrimin që bisedimet janë të ngutshme.

Mustafa ka thënë se Kosova është dashur të përgatitet mirë për procesin e bisedimeve, mirëpo është Kuvendi ai që ka vendosur, duke miratuar edhe rezolutë, dhe LDK-ja si parti opozitare do të angazhohet për të luajtur rolin konstruktiv në këtë proces.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30