Tahir Bezhani: Në Shukëz protestë e këngës sime

nga **Agim Gashi** Thu Mar 31, 2011 1:28 am

Tahir Bezhani:

NË SHKUKËZ* PROTESTË E KËNGËS SIME

Eja zemra ime
Të ikim së bashku larg
Te mali ku kënga nuk pushon
Hareja ku zhurmon,
Në qiellin e kaltër
Mes pishave të gjata
Të ngrijmë dolli
Unë e ti.
Zemra ime e plagosur!...

Eja,
Me damarët e ngushtuar
Rrugëtojmë rrugicave pyjore
Dalldisemi në kulmin e haresë
Ushqejmë ajrin e pastër
Nga pishë e harlisur
Ku këngët e zogjve nuk pushojnë
E qukapikët çokasin trupin
Krimba kërkojnë
Shpirti im i lodhur dridhet
Rrugicave malore
Mbushur lot e mall
Nga vetmi e djegur.....

Eja,
Eja, zemra ime!
Të ecim pishnajës freskuese
Vetëm unë e ti
Tri herë në ditë drekojmë
Oksigjen të pastër
Pastaj thellë frymojmë
Pa frikë kalërojmë
Mes këngës së zogjve
Melodi e pa artikuluar
Mos nxito zemër
Por venat e rrudhura
Shkrij në flakën e durimit
Mos më tradhto mes pylli,
Mos u dridh lazdrueshëm
Mos ngri këngën në buzë
Mos shito bukurinë në shikim
Mos këput këngën e zogjve
Se vaji gjëmon ...
Bimët e shpirtit janë larg
Trarëve të shtëpisë
Lëmashku u djersitet
Vaje lëshojnë,
E,kënga e rebeluar proteston
Ofshamë shpirti e këputur
Dielli po ikën ngadalë
Nata po ngryset në mal
Të vetmuar kaluam ditën
Në kupë të zbrazët!....

Pishat lotojnë mbi sytë e mi
Në Shkukëz jeta le gjurmë malli
Sanatorium në rrugëtim
Ngushëllim i kohës në kalim
Vaji i çmendur shpirti

Eja të shëtisim!
Vetëm Ti dhe unë
Se më ushqen me lëng shprese
Unë ty me këngë zogjsh
Në vetmin e përditshme...

Në Shkukëz rrëshqet
Në Shkukëz ecën jeta ime....

Gjakovë,
25.03.2011

Shkukëz,vend pikniku në periferi të Gjakovës, me pisha freskuese ku në ditën e vikendit qytetarët kalojnë çaste të bukura pushimi. Është vend i shëndetshëm dhe atraktiv,i preferuar edhe për ata që vuajnë nga sëmundjet kardiovaskulare.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30