Leximi i gabuar i kumtesës së LDK-së Dega në Gjermani dhe vlerësimi i saj nga prirja negative

nga **Agim Gashi** Fri Apr 01, 2011 12:27 pm

(Përgjigje ndaj reagimit të Luz Thaçit-kryetarë i BD të PSHDK-së në Gjermani)

Pa dashur të institucionalizojmë apo personalizojm kritikat dhe polemikat, mendojmë se ky zë i ngritur si forme proteste ishte shumë i pavend,i panevojshëm,i pa drejtë dhe në vete përmban një nivel nënçmimi për degën e LDK në Gjermani dhe veprimtarët e saj, me tendencë të minimizimit dhe aq më keq edhe të denigrimit të veprimtarëve të degës sonë. Cilat na qenkan të pavërtetat sipas kryesisë së BD të PSHDK në Gjermani? Ne e kemi thënë se LDK-ja kudo ku ishte me organizimin e saj, e edhe dega LDK në Gjermani me anëtarësinë e saj, ka dhënë kontributin më të madhe dhe këtë e din edhe kryesia e BD të PSHDK në Gjermani. Shumë pak ka rëndësi se kush ku ishte; anëtar a udhëheqës në LDK, sepse askush nuk ka marrë ndonjë postë ta udhëheq përjetshëm. Në LDK, të gjithë kanë filluar rrugën prej aktiveve dhe të gjithë kanë qenë dhe janë anëtar të aktiveve sepse aty është baza, por si duket dikush nuk ka zbritë asnjëherë në bazë, sepse nuk kishin. Nëse për kryesinë e BD të PSHDK, janë të parëndësishëm aktivistët dhe udhëheqësit në aktive, për kryesin tonë kanë qenë dhe mbeten edhe sot njerëzit më të rëndësishëm dhe me një organizim çfarë kishte LDK-ja, nuk kishte vend për të gjithë, që të jenë anëtarë të kryesisë, sikur është tek disa parti e degë partish, prandaj janë të parëndësishëm në këtë masë aktivistët e aktiveve për kryesinë e BD të PSHDK në Gjermani. Por, dega e LDK-së në Gjermani, pikërisht nga këta anëtarë të parëndësishëm sipas jush, organizoi dhe tubohej buxhetin, i cili dedikohej për të gjithë që punonin dhe lobonin për pavarësinë e Kosovës. LDK, dega në Gjermani kishte rreth 360 aktive dhe nën organizimin e saj u grumbulluan më shumë se 700 000 000 DM (shtatëqind milion Marka Gjermane). Pikërisht në saje të punës së atyre aktivistëve sipas jush të parëndësishëm, janë bërë me mijëra aksione, në ndihmë të njerëzve që u duhej përkrahja urgjente humanitare (dhe jo vetëm humanitare), aktivitete të shumta, organizime të demonstratave, etj. Pra na thuani ju të vërtetën, cili organizim tjetër paska bërë dhe paska kontribuar ashtu si kontribuoj organizimi i LDK në Gjermani? Prof. dr. Isa Mustafa, aso kohe thoshte se: "aty ku ka LDK, aty ka 3%, aty ka solidaritet, aty ka ndihmë për shtet dhe institucionet e tij".

Ka kaluar koha e parazitëve partiak

Ne njohim,vlerësojmë dhe respektojmë, kontributin dhe aktivitetin e pamohueshëm të akademik Mark Krasniqit, si figure e lartë intelektuale që përkrahu pa rezervë filozofinë kombëtare Rugovjane dhe koordinimin e presidentit dr. Ibrahim Rugova, që i bëhej lëvizjes sonë atdhetare,për liri,pavarësi dhe demokraci. Gjithashtu,ne njohim dhe kujtojmë parti (dhe sidomos individë) që vepruan në mërgatën tonë dhe disa ishin mohuese dhe shkatërruese të institucioneve të shtetit të Kosovës, disa ishin parazite që mbijetuan mirë në saje të punës dhe zemërgjerësisë së LDK-së. Ka kaluar koha e tyre,përgjithmonë.

BD të PSHDK në Gjermani, konsiderojmë se ishte aktivi i 361 i degës së LDK në Gjermani, i favorizuar në Bashkësia e "Degëve" të PSHDK në Gjermani. Të ju përkujtojmë se në Bonn, formuat një degë të PSHDK dhe të gjithë ata anëtarë që më parë ishin nën strehën e LDK, por që ishin edhe simpatizues të PSHDK dhe të akademik Mark Krasniqit, sikur që kemi qenë të gjithë anëtarët e LDK, ishte marrëveshje që të anëtarësohen në PSHDK dhe ndodhi ashtu, me kusht që PSHDK të ndihmohet me numër të anëtarëve, përderisa ndihmën dhe përkrahjen tjetër e kishte gjithmonë të pakursyer nga LDK.

Veprimtarët e LDK-së-me bagazh kombëtarë

Sa u përket anëtarëve në kryesin e sotme të degës së LDK në Gjermani, janë hiq më pakë të rëndësishëm se sa ata që kanë qenë dje dhe hiq më shumë të rëndësishëm se sa ata që mundë të vijnë nesër. Bagazhi dhe veprimtaria e tyre kombëtare e politike, është shumë e madhe dhe e pastër. Është për keqardhje nëse i thoni vetes një institucion dhe të dilni me vlerësime mohuese dhe denigruese për veprimtarë të devotshëm të çështjes kombëtare, që kanë ndarë kafshatën e fëmijëve të tyre, kanë lënë pa kaluar kohen e lirë me familjet e tyre dhe janë vënë në shërbim të mirëqenies së popullit të tyre. Gjithë këtë angazhim e kanë bërë me shpenzimet e veta duke bërë me qindra e mijëra kilometra dhe kur kujtojmë këta veprimtar të të gjitha niveleve në LDK-së, sigurisht që janë njerëzit më të mirë që ka bota.

Qazim Bajgoraliu,kryetarë i LDK-së,dega në Gjermani

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30