Jakup Krasniqi: Kryesia nuk ka marrë kërkesë për seancë të jashtëzakonshme

nga **Agim Gashi** Fri Apr 01, 2011 5:57 pm

Jakup Krasniqi: Kryesia nuk ka marrë kërkesë për seancë të jashtëzakonshme

Shqipe Osmani Bota sot
Jakup Krasniqi i “kundërpërgjigjet” Thaçit: Askush nuk mund t’i detyrojë deputetët që të marrin pjesë në seancat e Kuvendit.

Kryesia ende nuk ka marrë një kërkese për mbajtjen e seancës së jashtëzakonshme për zgjedhjen e presidentit, dhe në momentin e marrjes së kërkesës kryesia do ta shqyrtojë për emrat e kandidatëve. I pyetur nëse kryesia mund të thërras seancë nëse vetëm një kandidat është në garë për president, kryeparlamentari Jakup Krasniqi tha se gjithçka do të shkohet konform rregullave të punës ligjore dhe kushtetuese.

Ndryshe nga kryeministri Hashim Thaçi i cili ka deklaruar se deputetë kanë obligim të rrinë në sallë gjatë kohës së votimit, kryekuvendari Krasniqi tha se asnjë gjykatë dhe asnjë institucion nuk i obligon deputetët të rrinë në sallë pa vullnetin e tyre. “Autoriteti i vetëm që ata duhet t’u rrinë “gatitu!” janë qytetarët e Kosovës, prej të cilëve edhe janë votuar”, u shpreh Krasniqi.

I pyetur pse nuk po e ushtron detyrën e presidentit të vendit edhe pse Gjykata e precizon shumë qartë se në momentin kur nuk ka president me automatizëm ushtrues detyre është kryeparlametnari, ai tha se nuk e ushtron këtë post për shkak të interpretimeve të ndryshme se nuk është e drejtë e kryekuvendarit të ushtrojë sërish detyrën e presidentit. “Është krijuar konfuzitet me aktgjykimin Gjykatës Kushtetuese dhe interpretimet e ndryshme se unë nuk kam të drejtë të ushtroj këtë post”, tha Krasniqi.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30