Rizgjedhje të presidentit apo zgjedhje të jashtëzakonshme

nga **Agim Gashi** Sat Apr 02, 2011 10:48 pm

Rizgjedhje të presidentit apo zgjedhje të jashtëzakonshme

Edhe më tej askush nuk e di qartë se cila do të jetë rrjedha e zhvillimeve politike në Kosovë - nëse do të ketë një president të ri apo vendi do të shkojë drejt zgjedhjeve të jashtëzakonshme.

Gjykata Kushtetuese e Kosovës e shpalli jo kushtetuese zgjedhjen e presidentit Behgjet Pacolli dhe detyrën e presidentit tash është duke e kryer kryetari i Parlamentit, Jakup Krasniqi, për të dytën herë brenda gjashtë muajsh.

Opozita paralajmëron bojkotimin e votimit të presidentit, nëse përsëritet kandidatura e Behgjet Pacollit, me çka do të pamundësohej zgjedhja e tij.

Aleanca Kosova e Re (AKR), paralajmëroi mundësinë e shkëputjes së Koalicionit Qeverisës me Partinë Demokratike të kryeministrit Hashim Thaçi, si pasojë e zhvillimeve të fundit politike në vend.

Në Partinë Demokratike të Kosovë (PDK) nuk kanë komentuar këtë qëndrim të Aleancës Kosova e Re ndërsa kanë shfaqur qëndrime të ndryshme për daljen nga gjendja e krijuar në vend. Presidenti në detyrë, Jakup Krasniqi pret hapjen e një debati ndërmjet forcave politike jo vetëm për këtë situatë por edhe për zhvillimet e mëtejme politike.

Ndërkaq, nënkryetari i Partisë Demokratike Hajredin Kuqi, njëherësh zëvendëskryeministër i Kosovës tha se janë partitë e tjera ato që quhet të ofrojnë zgjidhje, derisa nënkryetari tjetër i kësaj partie Fatmir Limaj thotë se çështja është tek partia më e madhe në pushtet.

Opozita ka hedhur poshtë çdo mundësi që të votojë për zotin Pacolli nëse nuk ndryshon qasja e koalicionit qeverisës.

Bojkotimi nga ana e opozitës i seancës së 22 shkurtit në Parlamentin e Kosovës, kur u votua për zotin Pacolli, bëri që Gjykata Kushtetuese ta shpallë vendimin jo kushtetues. Një rivotim, pa opozitën do të ishte i pamundur, meqë koalicioni nuk do të kishte numrin e mjaftueshëm prej të paktën 80 deputetësh në Parlamentin 120 vendesh të Kosovës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30