PILO ZYBA:O PILO, MË THONË SHOKËT

nga **Agim Gashi** Tue Apr 05, 2011 9:40 pm

PILO ZYBA:O PILO, MË THONË SHOKËT

O Pilo, më thonë shokët,
Mos ke luajtur nga mëndë,
Kërkon që të ndryshosh botët
Me vajzat që fut në këngë?

Mos harro se edhe vitet
Të kanë rrjedhur tatëpjetë,
S’ke turp, mëndja të vërtitet
Nëpër lule e nëpër fletë?

Lule e çelur vajzat janë
Me aromë e me polen,
Por mjaltin që ato kanë,
Për kosheren tënde s’vlen!

Unë qesh, s’e nuk e dinë
Këngën time me shumë vlerë,
Unë ndjenjën kam lëndinë
Edhe shpirtin një pranverë...

Pastaj lulet që unë mbjell
Nëpër strofa e nëpër vargje,
I bëj, bilbilat të ndjell
Në vjersha, të miat lagje.

Dihet se, mbollën të tjerë
Lulet që ne përkëdhelim,
Prandaj mbjell pranverë e verë
Që pas nesh të tjerë të vjelin.

Dhe pse vitet, ikin, shkojnë,
Unë fitova shumë përvojë,
I mbjell lulet ti shikojnë
Kush pranë vargut tim të shkojë.

Vargu po s’pati pranverë
Si një trëndafil i bukur,
Nuk vjen kush ti marri erë,
Nuk vjen kush për ta këputur...

Se vjel kush ta bëjë dhuratë,
Për të dashurën e zemrës,
Se do kush drurin e thatë,
Kështu dhe lulen e këngës...

Unë e di pse hedhin gurë
Dhe shajnë gjithnjë paprerë,
Zemra ime s’plaket kurrë,
Ajo rri gjithnjë pranverë...

Ju në u plakët, ikni tutje,
Ku dielli mbi mal përkulet,
Unë nuk u ndjek me ngutje,
Po qëndroj këtu me lulet...

Dhe po s’munda t’i shijoj,
Si një fllad që fryn pa prerë,
Do rri me to të lodroj
Herë me ngjyra e herë me erë...

Dhe në shpirt do mbes’ pranverë!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30