Krasniqi priti drejtuesit e subjekteve politike parlamentare

nga **Agim Gashi** Wed Apr 06, 2011 9:46 pm

Krasniqi priti drejtuesit e subjekteve politike parlamentare

Krasniqi priti drejtuesit e subjekteve politike parlamentare 2Lideret_e_

Krasniqi priti drejtuesit e subjekteve politike parlamentare 4Lideret_e_

Krasniqi priti drejtuesit e subjekteve politike parlamentare 5Lideret_e_

Krasniqi priti drejtuesit e subjekteve politike parlamentare 8Lideret_e_

Edhe një javë pa president

(I plotësuar) Me qëllim të zgjidhjes së situatës së krijuar politike, Presidenti në Detyrë i Republikës së Kosovës Dr. Jakup Krasniqi sot ka zhvilluar takime konsultuese me përfaqësuesit e këtyre partive parlamentare: Isa Mustafa, Kryetar i Lidhjes Demokratike të Kosovës, Glauk Konjufca, përfaqësues i Lëvizjes Vetëvendosje, Blerim Shala, Nënkryetar i parë i Aleancës për Ardhmërinë e Kosovës, Avni Klinaku, Kryetar i Lëvizjes për Bashkim, Sllobodan Petroviç, Kryetar i SLS-së, Mahir Yagcilar, nga 6.

Ndërkaq, Ushtruesi i Detyrës së Kryetarit të Aleancës Kosova e Re, z. Ibrahim Makolli edhe pse e një ditë më parë personalisht i kishte konfirmuar zyrës së Presidentit të Kosovës për pjesëmarrjen në takim, sot në mëngjes zyra e Aleancës Kosova e Re ka njoftuar për anulimin pjesëmarrjes së z. Makolli në takimin e konfirmuar pa dhënë ndonjë sqarim.

Pikëpamjet dhe qëndrimet e shumicës së partive politike konsistonin në faktin se për t’i dhënë rrugëzgjidhje situatës së krijuar do të ishte mirë që të bëhen ndryshimet kushtetuese që përcaktojnë mënyrën e zgjedhjes së presidentit.

Një mendim të diferencuar kishte Lëvizja Vetëvendosje e cila kërkon ndryshime rrënjësore të kushtetutës.

Ndryshimet kushtetuese do të duhej të bëhen në dy faza:

Në fazën e parë duhet të bëhen ndryshime vetëm sa i përket mënyrës së zgjedhjes së presidentit, ndryshime këto që do të përcaktojnë zgjedhjen e presidentit jo nga Kuvendi i Kosovës por drejtpërdrejt nga qytetarët.

Duke pasur parasysh vendimin e gjykatës Kushtetuese, Republika e Kosovës ka Ushtrues Detyre të Presidentit për gjashtë muaj duke filluar nga 31 marsi kohë kjo që mjafton për t’u bërë ndryshimet kushtetuese dhe mbajtjen e zgjedhjeve për zgjedhjen e Presidentit drejtë për drejtë nga qytetarët.

Në fazën e dytë duhet të bëhen ndryshimet kushtetuese dhe reforma zgjedhore të cilat do të hapnin rrugën e mbajtjes së zgjedhjeve parlamentare sipas një marrëveshje që do të arrihej nga partitë politike.

* * * * * *

Krasniqi vazhdon takimet me partitë politike edhe pasdite

Presidenti në detyrë i Kosovës, Jakup Krasniqi ka zhvilluar gjatë ditës takime me Lidhjen Demokratike të Kosovës, Lëvizjen Vetëvendosje dhe Lëvizjen për Bashkim, ndërkaq pasdite pritet të zhvillojë takime edhe me Aleancën për Ardhmërinë e Kosovës dhe partitë e pakicave. Ai ka thënë se këto janë takime konsultative në përpjekje për të gjetur një konsensus për zgjidhjen e krizës politike.

Krasniqi takoi krerët partiakë, nuk ka marrëveshje

Kryeparlamentari dhe njëherësh U.D. i Presidentit të Kosovës, Jakup Krasniqi ka përfunduar të mërkurën në mesditë takimet me përfaqësues të partive politike në përpjekje për të tejkaluar situatën e krijuar rreth kandidatit për president të Kosovës.

Krasniqi dhe përfaqësuesit e partive pjesëmarrëse në këto takime, nuk janë deklaruar rreth takimit, ndërkohë, mësohet se brenda në takim është diskutuar rreth kandidatit për president, ndryshimit të nenit të Kushtetutës që ka të bëjë me zgjedhjen e presidentit dhe mundësia e mbajtjes së zgjedhjeve të parakohshme.

I vetmi që ka folur për media, ka qenë deputeti i Vetëvendosjes, Glauk Konjufca. Ai tha se partia e tij nuk do të përkrahë asnjë president i cili nuk merr parasysh tri kushte të dhëna nga ky subjekt politik - ndërprerja e negociatave me Serbisë, heqja dorë nga Pakoja e Ahtisaarit dhe çështja e privatizimit të ndërmarrjeve të mëdha publike.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30