Nuk është e ndershme që të keqpërdoren emrat e dëshmorëve për falsifikimin e historisë!

nga **Agim Gashi** Thu Apr 14, 2011 9:57 pm

Nuk është e ndershme që të keqpërdoren emrat e dëshmorëve për falsifikimin e historisë!

Besnik Prishtina

Gjendja faktike

Nuk është e ndershme që të keqpërdoren emrat e dëshmorëve për falsifikimin e historisë! U.hotinegjyq

Historia e demonstratave të 1981 nuk përbehet nga pjatat fluturuese, por nga organizimi i mirëfillte i atyre ngjarjeve që ndryshuan tërë epokën historike. Të kthehemi para 42 dhe para 30 viteve! Dokumentet historike dhe dëshmitë e atyre që morën pjesë në organizimin e tyre flasin se Demonstratat e vitit 1968 dhe të vitit 1981 kane fillua në Prishtine dhe janë organizua nga studentet e shkollaret e Prishtinës. Pastaj janë përhapur në gjitha viset shqiptare nën okupimin e republikave jugosllave nga organizatorë lokal. Merita për organizimin e tyre nuk kanë vetëm organizatoret në Prishtinë dhe qendrat tjera, por edhe të gjithë pjesëmarrësit në këto demonstrata. Nuk thuhet me kot se revolucionet janë vepra të masave, sepse pa masat nuk mund të ketë revolucione. Por, lokomotivat të revolucioneve janë vetëm organizatorët e vërtetë të tyre, sepse pa këto lokomotiva nuk mund të ketë as revolucione!

Këtë e vërtetojnë gjykimet kundër Grupit të Organizatorëve të Demonstratave të vitit 1968 nga Prishtina në krye me Osman Dumoshin dhe këtë vërtetojnë gjykimet kundër Grupit të Organizatorëve të Demonstratave të vitit 1981 nga Prishtina në krye me Rexhep Maqedoncin! Vetëm këto dy grupe ilegale janë marr me organizimin e demonstratave me kërkesën për Republikën e Kosovës. Dokumentet historike flasin se Rexhep Maqedonci para Gjyqit Jugosllav beri diçka që nuk e kishte bërë askush as para as pas ti! Rexhep Maqedonci nuk e mbrojti veten, por me 40 faqe e mbrojti kërkesën për Republikën e Kosovës. Se çka ndodhi pastaj me gjendjet e ti shëndetësore fizike dhe psikike vetëm ai e di! Por, dihet se as tjerët nuk kaluan shumë ma lehtë se ai!

Edhe gjykimet e studentëve, banor në Qendrën e Studentëve në Prishtinë vërtetojnë se ata kanë merita të veçanta për fillimin protestës kundër kushteve të këqija me 11 mars 1981, si dhe nuk mund të mohet as merita Ali Lajqit dhe grupit të studentëve që organizuan protestat studentore të 26 marsit 1981 me kërkesa që të mos burgosen për shkak të pjesëmarrjes në demonstratën e 11 marsit 1981, e cila protestë me ndërhyrjen e grupit të studentëve të PKMLSHJ nga Prishtina u shndërrua në demonstratë me kërkesë për Republikën e Kosovës!

Këtë e vërtetojnë gjykimet e Grupit të Intelektualëve në krye me Mr. Halil Alidemaj, Mr.Ukshin Hoti, Ekrem Kryeziu etj. këtë e vërtetojnë gjykimet e Grupit të prirë nga Vahedin Azemit, këtë e vërtetojnë gjykimet e Grupit të prirë nga Kadrie Gashie e kështu me radhë.

Grupet tjera ilegale deri me demonstratat e vitit 1981, si pas programeve të tyre janë marr me bashkimin e Kosovës me Shqipërinë. Prandaj, të tjerët kanë qenë vetëm pjesëmarrës, në një formë apo në një formë tjetër! Pastaj me zgjerimin e demonstratave janë marr edhe tjerë njerëz dhe grupe tjera!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30