Kërkohet zbardhja e veprimtarisë 10 vjeçare të SHIK-ut

nga **Agim Gashi** Fri Apr 15, 2011 7:38 pm

Kërkohet zbardhja e veprimtarisë 10 vjeçare të SHIK-ut

Kryetari i Komisionit parlamentar për mbikëqyrjen e Agjencisë së Kosovës për Inteligjencë, Florin Krasniqi, ka vendosur që t'i shkojë deri në fund zbardhjes të së vërtetës mbi veprimtarinë 10 vjeçare të Shërbimit Informativ të Kosovës (SHIK).

"Misionin" do ta nisë me shefat e AKI-së. Nga ta do të kërkojë informacione nëse SHIK-u është shuar më 15 qershor 2008 apo vazhdon të jetë funksional edhe në ditët e sotme.

"Ne do të kërkojmë detaje jo vetëm prej drejtorit, por edhe prej inspektorit të përgjithshëm të AKI-së. Ata kanë detyra të ndara, prandaj të dyve veç e veç do t'ua parashtroj disa pyetje me shkrim dhe do të pres përgjigje nga ta", ka paralajmëruar deputeti i Vetëvendosjes, një ditë pasi anëtari i PDK-së, Bekim Haxhiu, i njohur me nofkën "Kamishi", ka kërkuar shkarkimin e tij nga posti i kryetarit të Komisionit për AKI-në, raportojnë mediet.

Krasniqi ka thënë se brenga më e madhe e tij është infiltrimi i SHIK-ut brenda Agjencisë Shtetërore të Inteligjencës. Aktualisht, ai nuk beson se AKI ja është plotësisht e pavarur në punën e saj.

"Ne duhet ta dimë nëse AKI-ja është vërtet agjenci e pavarur apo thjesht një agjenci e shantazhuar dhe e kërcënuar nga shërbimet private partiake të inteligjencës. Dhe, përgjigjen për këtë duhet ta japin drejtuesit e AKI-së", ka thënë ai. Ky deputeti, që njihet edhe si "Pullazxhiu" i Amerikës, pajtohet plotësisht me propozimin e kolegut nga AAK-ja, Burim Ramadani, për ngritjen e një komisioni të veçantë hetimor jo vetëm për SHIK-un, por edhe për të gjitha shërbimet sekrete të tjera partiake.

"SHIK-u ka qenë organizatë që i ka shërbyer një grupi të caktuar brenda Partisë Demokratike të Kosovës dhe jam i bindur se njerëzit e kësaj strukture nuk duhet të ndihen mirë që kanë qenë pjesë e saj, prandaj konsideroj se ka ardhur koha kur Kuvendi i Republikës së Kosovës duhet të themelojë një komision hetues parlamentar për hetimin e veprimtarisë së SHIK-ut që nga themelimi i kësaj organizate pas çlirimit të Kosovës", ka propozuar Ramadani. Nisma për ngritjen e një komisioni të tillë, sipas Krasniqit, do të nxjerrë në pah se kush është i interesuar tu tregojë qytetarëve se kush është SHIK-u i vërtetë, e kush është i interesuar ta mbyllë këtë çështje.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30