Bekim Haxhiu padit Florin Krasniqin

nga **Agim Gashi** Sat Apr 23, 2011 1:21 am

Bekim Haxhiu padit Florin Krasniqin

Deputeti Bekim Haxhiu – Kamishi, tha sot në Kuvendin e Kosovës se i jep fund diskutimit me deputetin Florin Krasniqi, duke theksuar se për akuzat dhe shpifjet Krasniqin do ta ndjek në rrugë ligjore. Ai tha se ka iniciuar hetim ndaj deputetit Florin Krasniqi në organet e drejtësisë në Kosovë dhe SHBA

Deputeti nga radhët e Partisë Demokratike të Kosovës, Bekim Haxhiu – Kamishi, tha sot në Kuvendin e Kosovës se i jep fund diskutimit me deputetin e Lëvizjes Vetëvendosje Florin Krasniqi, duke theksuar se për akuzat dhe shpifjet Krasniqin do ta ndjek në rrugë ligjore.

Haxhiu kërkoi që Kuvendi në një seancë të ardhshme të distancohet nga aktet e kryera kriminale pas luftës në Kosovë, ndërkohë që kërkesën e tillë tha se do t’ia dorëzojë administratës.

“Duke qenë se përcaktimi i ne të zgjedhurve të popullit është mbrojta e ligjshmërisë, pasurisë shtetërore dhe interesit qytetarë, duke qenë se jemi përcaktuar për shtet ligjor veprim institucional dhe krijimin e një shteti mbi baza etike e humane, duke qenë qe e vërteta është sinonim dhe kërkesë e shumicës së popullit tonë unë kam mbledhur 15 nënshkrimet e deputetëve të Kuvendit dhe kam iniciuar hetim ndaj deputetit Florin Krasniqi në organet e drejtësisë në Kosovë dhe SHBA”, ka thënë deputeti Haxhiu.

Ai potencoi se një kopje të këtë inicimi hetimor do t’ ia ofrojë edhe Kuvendi jo pse ka për detyrë të hetojë, por, sipas tij, për të treguar se çfarë personi udhëheqë me një Komision parlamentar. Haxhiu mes tjerash tha se me këtë inicim, i ka dhënë fund debatit me deputetin Krasniqi.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30