Shtëpia e Bardhë bën publike certifikatën e lindjes së Obamës

nga **Agim Gashi** Wed Apr 27, 2011 10:49 pm

Shtëpia e Bardhë bën publike certifikatën e lindjes së Obamës

Shtëpia e Bardhë ka publikuar një kopje të certifikatës së lindjes së Presidentit, Barak Obama, në përgjigje të pretendimeve se ai nuk ka lindur në SHBA. Certifikata e lëshuar dëshmon se Obama ka lindur nga Hauai. Nga disa palë pretendohet se ai ka lindur në Kenia, gjë e cila e bën president të paligjshëm.

Së fundmi, akuza të tilla ka ngritur dhe Donald Trump, i cili mund të jetë një kandidat për president nga ana e Republikanëve. Zëdhënësi i Shtëpisë së Bardhë, Dan Pfeiffer tha se pretendime të tilla i kanë bërë keq vendit. Certifikata e lindjes së Obamës bëhet publike pas shumë vitesh spekulim mbi këtë çështje. Konspiracionet flisnin se Presidenti i SHBA-së kishte lindur në Kenia ose në Indonezi, vende ku ai ka jetuar kur ishte fëmijë.

Gjatë fushatës për zgjedhjet presidenciale në vitin 2008, Obama lëshoi një faqe të printuar nga kompjuteri ku tregohej njohja e certifikatës së lindjes si një dokument zyrtar dhe zyra e shëndetit publik në Hauai konfirmoi një gjë të tillë, por dyshimet nuk u shuan. Sot, Shtëpia e Bardhë lëshoi një kopje të certifikatës së lindjes, e cila tregon se Obama ka lindur me 4 gusht të vitit 1961 në një maternitet në Honolulu.

Shtëpia e Bardhë bën publike certifikatën e lindjes së Obamës Barack-Obamas-long-form-b-001

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30