NJOFTIM PER PROMOVIM LIBRI TE ALBERT ZHOLIT

nga **Agim Gashi** Fri Apr 29, 2011 12:11 am

NJOFTIM PER PROMOVIM LIBRI TE ALBERT ZHOLIT

Ditën e premte, dt. 29.04.2011, ora 11-00, në ambientet e Shtëpisë Qëndrore të Ushtarakëve promovohet libri i autorit Albert Z. ZHOLI, “Kico Mustaqi, ministri i mbrojtjes midis dy sistemeve”

NJOFTIM PER PROMOVIM LIBRI TE ALBERT ZHOLIT Albert%2BZholi%2BKico%2BMustaqi%2BMinistri%2Bi%2Bmbrojtjes

Monografia “Kiço Mustaqi, Ministri i Mbrojtjes midis dy sistemeve” është botuar nga shtëpia botuese TOENA. Në këtë monografi del në pah një pjesë kontraditore e panjohur e historisë së Ministrisë së Mbrojtjes dhe shumë fakte të pa publikuara më parë në periudhën më të vështir të Shqipërisë 1970-92. Një libër me dokumenta të pabesueshme dhe fakte tronditëse. Midis të tjerave do të lexoni:

-Takimi sekret me Enver Hoxhën
-Takimi i befasishëm me Mehmet Shehun
-Kryqëzimi i pabesuar i Beqir Ballukut
-Kadri Hazbiu njeriu i shenjtë i Ministrisë së Brendshme dhe Ministrisë së Mbrojtjes
-Debatet e ashpra me Ramiz Alinë.
-Takimet e fshehta të Ramiz Alisë me Sali Berishën
-Akuzat e pa baza për grusht shteti
-Ngjarjet e acarta në Shkollën e Bashkuar
-Fatos Nano, Kryeministri indiferent ndaj Ministrisë së Mbrojtjes
-Plani Sekret për çlirimin e Kosovës
-Incidenti për dorëzimin e detyrës Safet Zhulalit.

Veprimtaria publicistiko-letrare e Albert Zholit:

-1990-Bashkpuntor i revistës “Hosteni” , “Saranda”.”Joni”
-1993-2007 bashkpuntor i gazetës “Drita”
-1993-2007 bashkpuntor i gazetës “Intervista” (2002 dhe “Intervista e Emigrantit)
-1994- Bashkpuntor i gazetës “Java”, “Labëria” , “Pasqyra”, “Egnatia” (Greqi)
-1997- Editor në stafin e gazetës “Vllazërimi” (Greqi)
-1999-2001- Bashkpuntor i gazetës “Shekulli”
-2001-2002; Kryeredaktor i gazetës “Emigranti shqiptar” , “Mërgimtari” (mujore e pavarur)
-2002-Drejtor i Institutit Kerkimor Shqiptar për Emigracionin (OJF)
-2002 – Vazhdim opinionist për problemet e emigracionit në gazetat “Pasqyra”, “Ballkan”, “Dita”, “Ekonomia”, “Sot”, “Koha Jonë”, “Shekulli”, “Tirana Observër”, “Ndryshe”, “Republika”, “Telegraf”, “Nacional”.
-2001 –vazhdim, bashkpuntor i Radio Tirana në kanalin e parë dhe të tretë për problemet e emigracionit . Rubrika “Emigracioni shqiptar”.
-2004 -Drejtor i menaxhimit i spektaklit “Yjet në Folkunivers” TVSH
-2005- 08 dhe në vazhdim anëtar i kryesisë së Lidhjes së Shkrimtarëve.
-2006-2007 Ideues dhe bashkdrejtues në TVSH në emisionin “Emigracioni dhe Koha”
- 2006-07 Drejtor-Kryeredaktor i gazetës së përditshme të pavarur “Ndryshe”
-2007-Kryeredaktor i revistës “Integrim” (6 mujore)
-2008-Kryeredaktor i gazetës Iliria News –Greqi (javore)
-2009-Kryeredaktor i gazets “Labëria”

Botime:

-Ikja e madhe –publicistikë
-Vite emigracioni-tregime
-Endrrat e mërgimit-publicistikë
-Kush e “vrau” Amerikën-publicistikë
-Vajza misterioze-tregime
-Yjet në Folk Univers-publicistiko letrar
-Iraku midis Babilonisë dhe qytetërimit - (publicistikë)
-Hiret e një bjondine-tregime
-I fundit i komunizmit utopik-publicistikë
-Me zemër pranë Shqipërisë- publicistikë
-Luftar Paja, aktor i madh komik (Monografi)
-Sekretet e ish gazetarëve të RTSH
-Kiço Mustaqi, Ministri i Mbrojtjes midis dy sistemeve

Janë në botim:

-Reshat Arbana-Monografi
-Dashuri e tradhëtuar-roman
-Freskida-tregime

Kanë thënë për Albert ZHOLIN:

Albert Zholi edhe kur bën analiza edhe kur zhvillon intrevista, i bën në mënyrë poetike.

Xhevahir Spahiu

Alberti shkruan me kulturë, me mjeshtëri artistike, me stil të gjallë, me gjuhë tk rrjedhëshme dhe mbi të gjitha, me një ndjeshmëri të rrallë.

Helena Kadare

Albert Zholi shkruan me një penë të ëmbël dhe të qetë, sikur valëzon. Ai hyn në shpirtin e personazhit dhe e zbërthen atë duke na e prurë pranë të gjallë dhe të freskët.

Dritëro Agolli

Krijimtaria juaj të ngërthen. Lexova një ngjarje prekëse nga jeta e emigrantëve shqiptarë në Greqi i cili shquhet si për realizëm, si për humanizëm të ndërsjelltë. Të tilla tregime rrëfejnë cilësitë e larta morale të njerëzve të thjeshtë.
Suksese në rrugën e bukur e të vështirë të tregimit të shkurtër.
Naum Prifti

Prshëndetje të veçanta, i dashur Berti!

I lexova menjeherë me kureshtje kolegu skicat dhe tregimet e tua, dhe përjetova kenaqksi të papritur. Nuk e teproj se s'më shkon në këtë moshë -duhet të jesh krenar për prozën tënde! Njëherësh më kujtuan skicat e Migjenit - parahyrje për tregimet e fuqishme dhe aq të hijëshme të tij. Ti ke tënden; për mua ke dhe mjaltë blete nga Bohotina; dhe ngrohtësi nga shpirti i dridhshëm njerëzor. Sa bukur e vënçe e thua: "shqeto, kafè pa sheqer"! Në tërë prozën tënde lëvizin dramat njerkzore të ditës, një pikkllim tragjik që është edhe më tronditës kur njerëzit e shprehin me sy pa e thënë plotësisht me gojë! Portretet njerëzore, kryesisht në mërgimin e arratisur janë ulkrima njeriu në hall, të ngjashme me ujvarat që rjedhin në fund humnere pa u dukur! Bota njerëzore e rënë përmbys që pena e hollë e ngre më këmbë për ta shikuar tek gjithë!...Megjithate nuk mungon lirizmi që përballë mjerimit bën kontrastet e pikturave dritë-hije të Rembryndit! "Zjarri i gjirit djeg kadifenë e jelekut"! Në ç'dasëm Progonati e ke parë që unë s'e kam vënë re kështu. Meriton fjalë të mira po ashtu për gjuhën e kursyer, disi fisnike në zgjedhjen e saj (sikur të mos kish aty këtu dhe fjalë të rëndomta: "nga momenti në moment", "meriton respekt" etj...që janë për "baçè" të tjera bisedash). Por s'ka mish të pjekur në hell pa një qime (edhe këtu më afrohet fshati me dasma)!! Mbi të gjitha, tregimet-skica kanë në shumë prej tyre një frymë fisnike Shqipërie, shqetësim fisnik të një biri të saj me penë të hollë në dorë...E të tjera...

Përgëzimet më të mira! -Agim Shehu-

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30