Marinsat e SHBA-ve ndihmojnë FSK-në

nga **Agim Gashi** Fri Apr 29, 2011 11:37 pm

Marinsat e SHBA-ve ndihmojnë FSK-në

Në Ministrinë e Forcës së Sigurisë së Kosovës (MFSK), në prani të stafit të lartë komandues të Forcës së Sigurisë së Kosovës (FSK), një grup ekspertësh të Marinsave të Shteteve të Bashkuara të Amerikës (SHBA), bënë një prezantim të Raportit të Vlerësimit të kryer në Forcën e Sigurisë, nga marinsat amerikan, në muajin dhjetor, përkatësisht nga data 6 deri më 10 dhjetor 2010.

Në prezantim morën pjesë; gjenerallejtënant Sylejman Selimi, komandanti i Komandës së Forcës Tokësore, gjeneralmajor Rrahman Rama, drejtor i Drejtorisë për Operacione, gjeneralmajor Kadri Kastrati, oficerë të tjerë të lartë të FSK-së, si dhe ushtarakë të lartë nga Ambasada Amerikane në Prishtinë, KFOR-i edhe ata të NAT (Ekipit Këshillues të NATO-s).

Gjatë prezantimit, marinasat amerikanë vlerësuan lartë punën dhe të arriturat profesionale të FSK-së, me ç’rast u shprehën se ekziston një bazë e mirë e kuadrove te përgatitura që garantojnë një zhvillim të sukseseshëm Marinsat Amerikanë premtuan, që së bashku, të ndihmojnë edhe më tej, për zhvillimin dhe për përgatitjen e një trupe profesionale të rangut, të nënoficerëve, në kuadër të Forcës së Sigurisë së Kosovës.

Me këtë rast komandanti i FSK-së, gjenerallejtënant Sylejman Selimi, ka vlerësuar lart angazhimin e marinsave dhe punën e tyre në fazën e vlerësimit, dhe po ashtu i ka falënderuar për identifikimin e pikave të planifikimit për zhvillimin e trupës së nënoficerëve të FSK-së për të ardhmen. Gjeneral Selimi, falënderoi Qeverinë Amerikane, dhe ekipin e marinsave, për ndihmën e madhe, që po japin, për FSK-në, si dhe për kontributin e tyre për trajnimin dhe për profesionalizimin e pjesëtarëve të FSK-së.

Angazhimin e marinsave amerikanë në këtë aktivitet e ka mundësuar Zyra për Bashkëpunim e Mbrojtjes të Ambasadës Amerikane në Prishtinë.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31