Ramadan Emini:SNOBËT E POLITIKËS

nga **Agim Gashi** Sat Apr 30, 2011 11:47 am

Ramadan Emini:SNOBËT E POLITIKËS

Të gjitha predhat e gjuhës së prishur,
të harkut të shtizës e të musketës,
nuk drejtohen atje ku duhet me majen
e tyre te helmatisun, sillen rrotull e
vërdallisen e mbi kokë i bien vetes.
Ç’është kjo gjuhë krejt e molepsur
me fjalorin e paparë t’rrugaqërisë,
ç’është kjo frymë kaq e pështirosur,
të tmerron të bën të vjellësh,
hundë e grykë, vaj medet, ti zë belaja.
Veshur ngjeshur e pispillosur,
stilizuar si manekina, si lluster u shkelqen
fytyra të zihet hunda nga brilantina,
pret njeriu se çfarë ka brenda,
djalli vetë i maskuar në pelena,
e koken boshe e trutharë si balena.
Fyerje e sharje paturpësisht,
vjen nga goja e kuvendarit,
si s’turpërohesh more kokëshkretë,
kokëngjëshur e biralem zaresh,
si s’u skuqe njëherë në fytyrë,
mor derdimen i zi i pafytyrë!?
Si s’të vajti njëherë mendja,
nga ke ardhur e nga i ke rrënjët,
si s’të kujtohen baballarët
gjyshë stërgjyshërit e dajallarët,
që s’ta dhanë këtë “edukatë”,
mor i ziu i nxirë i patymosur!
Njëri thot jam nga Harvardi,
tjetri fryhet jam nga Kembrigji,
s’je askushi mor i mjerë
kur humbë rrënjët e lisit t’fisit,
vetëkënaqesh e masturbohesh
në kotësinë tënde vetëturpërohesh!...

(R. Emini, 30 prill 2011)

Ne foto Muzeu i Skenderbeut ne Kruje, mbuluar krej me re te zeza (foto R.Emini,1996)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30