Ndahet nga jeta shkrimtari i shquar Ernesto Sabato

nga **Agim Gashi** Mon May 02, 2011 1:50 am

Shkrimtari argjentinas, Ernesto Sabato vdiq në moshën 99-vjeçare në shtëpinë e tij në Santos Lugares, provinca e Buenos Ajresit, njoftoi sot për median bashkëshortja e tij, Elvira Gonzalez Fraga.
“Dy javë më parë ai mori një bronkit dhe në moshën e tij kjo ishte fatale”, deklaroi Gonzalez Fraga duke konfirmuar vdekjen e atij që konsiderohej si shkrimtari më i madh argjentinas ende gjallë. Autori i “Tuneli” (1948), “Heronj dhe varre” (1961), etj, do mbushte 100 vjeç më 24 qershor.
Me prejardhje nga Kalabria e Italisë, i cilësuar si i barazvlefshëm me Borges, Marquez, Cortazar, Sabato
tregonte me krenari se në studion e tij kishte një gravurë veneciane te heroit të madh të shqiptarëve Gjergj Kastriot Skënderbeut.
Sabato ka vizituar Shqipërinë në mes të prillit të vitit 1996, ku deklaroi se ”Jam shumë i emocionuar që ndodhem këtu sepse një e katërta e gjakut tim është shqiptar”.
Disa vite më parë qeveria e Argjentinës i dorëzoi shkrimtarit Ernesto Sabato fitues i çmimit Servantes të letërsisë në 1984 (çmimi më i madh i letërsisë spanjolle), 320.000 dollarë për krijimin e një muzeu, i cili do të mbante emrin e tij . Shtëpia e shkrimtarit më origjinë shqiptare në Santo Lugares, shumë shpejt do të quhej shtëpia Muze Sabato.
Presidenti i Shqipërisë, Bamir Topi pasi mori vesh lajmin e ndarjes nga jeta të shkrimtarit të shquar Ernesto Sabato, shprehu hidhërimin për këtë humbje duke kujtuar edhe lidhjen e veçantë të Sabatos me Shqipërinë.
Ai, me këtë rast deklaroi: “Me hidhërim të madh mora lajmin e ndarjes nga jeta të shkrimtarit dhe personalitetit të shquar argjentinas Ernesto Sabato, i cili mban dekoratën e lartë të shtetit shqiptar, Nder i Kombit. Sabato gjithnjë e theksoi lidhjen e tij të gjakut me vendin tonë, ai ishte admirues dhe mbështetës i Shqipërisë dhe shqiptarëve.
Humbja e tij është një humbje e madhe për kulturën botërore, si një nga zërat më të fuqishëm të letersisë së shekullit XX. Ai përfaqëson një intelektual jokonformist, një personalitet me angazhim të njohur në mbrojtjen e të drejtave të njeriut, një simbol në rezistencën kundër ]do forme të autoritarizmit.
Në këto momente të hidhërimit të thellë sjellim në mendje vizitën e tij në Tiranë më 1996, takimet e tij të paharruara me intelektualët dhe shkrimtarë shqiptarë, si dhe fjalën e tij emocionuese për origjinën e tij të largët shqiptare, në ceremoninë e marrjes së dekoratës së lartë, Nder i Kombit.”

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30