Thaçi: Bombardimet ndaluan pastrimin etnik dhe gjenocidin serbë

Thaçi: Bombardimet ndaluan pastrimin etnik dhe gjenocidin serbë



Kryeministri i Kosovës, Hashim Thaçi zbuloi në Bllacë të Hanit të Elezit një pllakë përkujtimore, në shenjë kujtimi për të gjithë ata që ishin përndjekur nga pushteti serb dhjetë vjet më parë. “Ndihem tepër mirë kur krahasoj se në atë periudhë të 24 marsit, këtu ka pasur ushtri, polici, paramilitarë dhe vrasës serbe, ndërsa sot kemi simbolet e shtetit të Republikës së Kosovës. Kurrë nuk do të ketë kthim në të kaluarën”, tha Thaçi. “Kjo ditë shënon thellimin e aleancës së Kosovës me Shtetet e Bashkuara të Amerikës, Bashkimin Evropian dhe me NATO-n. Filluan bombardimet për të ndalur pastrimin etnik, gjenocidin e ushtrisë, policisë dhe paramilitarëve serbë; për të përkrahur luftën e Ushtrisë Çlirimtare të Kosovës, për lirinë, për rendin demokratik, për shtet, për integrime euroatlantike”, tha Thaçi. “Ne zbuluam pllakën e përkujtimit, pllakën e vuajtjeve, të sakrificës së mbi gjysmë milioni të njerëzve që qëndruan me ditë të tëra këtu, të qytetarëve të Republikës së Kosovës, që qëndruan në të ftohtë, në shi e baltë, që u depërtuan me trena, dhunshëm u dëbuan nga shtëpitë e tyre”, tha Thaçi, njofton Zyra e informacionit pranë kryeministrit.