Mentor Thaqi:GËZUAR DHE MOS IK EUROPË

nga **Agim Gashi** Tue May 10, 2011 12:47 am

Mentor Thaqi:GËZUAR DHE MOS IK EUROPË

Në Ditën tënde, Komunioniste,
të diversitetit të (pa)shkrirë,
mirë kuptimit,
në fije bjeri, të lutem,
se nuk je ti ajo
që drejt gjykon,
pa la borxhin tënd!
Mos na shaj të lutem,
Europë,
për fajin që kush s´e do,
e masën dyshe, gjetkë hudhe!

Po ne këtu ishim,
kur tevona ti erdhe,
me dyzet kalamaj në tufë,
e m´iu veshe tokave zhagas,
të dhamë, të mësuam,
ti ece, ne na shkelën,
ti ece, ne na vjelën,
ti prap ece, ne na mjelën,
ne po vijmë e ti ecë, ikë!
E ku do ecnim ne
me pabesitë e fçinjëve?!
Ah, ishte natë me mot të lig!

Mos nëm e truaj Europë,
që s´luajtem vallen tënde,
të dreqit, me atëfarë Dik-Manxhe,
siç deshe e deshën
e ne nuk deshëm,
për hir të Emrit tim
të lashtë gjyshor!

Eh,
k´ceva ujin e ....
jo e drejt,
hiç as krejt.
Ne drejt teje, me duar hapur,
ti n´shmangie, ikë prej nesh,
po si domë fillin për t´kapur,
kur ti me dy lloj masash,
bie ndesh?!

Mos harro
Qytetnim të dhamë,
të dhamë Kolos, Kalorës
në mbrojtje vlerash,
Pirro e Kastriot,
Papë, Perandor,
Nënë Terezë e shumë Shëntorë,
të dhamë Princër e Mbretër
me Kurorë,
të ruajtëm prag e derë shtëpie,
na le larg, n´duar mizorie!

E sot, po sot,
ke zbutur pak zemër,
diçka edhe japë e falë,
don t´rrisësh nam, emër,
po mos harro Planin "Marshal",
se Amerika mbajti fjalë,
e ta bëri Zemrën Mal!

Është 9 Maji, Dita jote,
të thanë, je shikimi i k´saj Bote,
ne po vijmë, mos na kthe,
se do pendohesh,
sot, s´është si dje!

Mos harro Europë e vjetër,
kur k´tu isha, s´pat një tjetër,
e tevona, shumë tevona,
u hap lajmi dhe jehona,
Trojeve tuaja, Vatrave tona,
kur ndanë ara e kopshtie,
me teh shpate hegjemonie!

Po po,
dhe Besimin që e more,
Apostujt, p´mes nesh të erdhën,
morëm t´parët krishterimin,
kishim heret Qytetnimin,
dhe Zotynë na bekoi Djepat,
i bekoi Trojet, po po, t´vetat!
Por, si duket, ti harrove,
kur na ndave, na copëtove,
që ti ngopësh hegjemonët,
që n´vend tëndin donin Demonët!

Ah,
dhe me fajin tënd u gjymtuam,
mbi gjashtë shekuj n´vend numruam,
e ti tash më lë në faj,
pse jam ndryshe, nuk t´përngjaj?!
Po nuk është veç faji im,
m´ktheve shpinën, kjesh jetim,
ne të donim, ti na ikje,
ne t´kërkonim, s´na përfillje,
ne të mbronim, ti s´na e dije,
ne luftonim, ah, ti me hasmin n´lidhje!

Po po, është e vërtetë,
ishim t´lënë, t´vetëm, t´shkretë,
plot gjashtë shekuj n´luftë me djallin,
nuk erdh kush të na qaj hallin,
dhe u bënë gabime t´rënda,
nuk na u nda vaji as gjëma,
se dikush deshi t´na zhbëj,
me Kurorë, Trung, Farë e Rrënjë!

Sot Europë në Ditën tënde,
a s´dëgjon?! T´kem n´vargje kënge!
Mos të lutem, mos na shtyej,
jo me nofka, mos na perlyej!
Edhe ne jemi pjesë jote,
n´zemër tënde, n´ktë pjesë Bote,
nuk kem t´bëjmë me prapa shpinën,
as me jugun, as me lindjen,
qemë dhe jem përëndimor,
Den baba Den, Ilir-Arbëror!

Mirë se t´gjejmë në Ditën tënde,
po t´uroj me vargje kënge,
që ti vëjmë kapak gabimit,
zgjodhëm rrugen e bashkimit,
n´mirëkuptim, n´paqe t´përhershme,
bashk të ecim n´rrugë të ndershme,
t´jehoj kënga, t´shuhet vaji,
t´uron zemra: Gëzuar 9 Maji!!!

Mentor Thaqi 09.05.2011

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30