Akllapi Net - Forum i Hapur
Would you like to react to this message? Create an account in a few clicks or log in to continue.
Akllapi Net - Forum i Hapur

Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali

Akllapi Net - Forum i Hapur :: Shqiptarët në botë

Shko poshtë

Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali Empty Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali

Mesazh nga Agim Gashi Tue May 10, 2011 12:46 pm


Mrekullitë e traditave tona të shenjta arbërore ruhen edhe Itali

Ilirjana Koliqi – Ramaj
Kremtë e shoqatës së bashkëkombasve tanë ne Lecco “Sofra Shqiptare”
Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali 10foto%201%20kryesore
Shoqata patriotike kulturore artistike “Sofra Shqiptare”, në mbrëmjen e së shtunës së 30 prillit, në sallën famullitare të oratorios, në Malgrate të Lecco-s, ka organizuar një festë të mrekullueshme tipike shqiptare, për të nderuar 1 Majin – Ditën Ndërkombëtare të Punës, në njërën anë, dhe për të freskuar sado pak shpirtin e shkrumuar mërgimtar të arbërorëve, në anën tjetër.

Këshilli Drejtues i Shoqatës “Sofra Shqiptare” kishte marrë të gjitha masat e nevojshme që kremtja të jetë e këndshme dhe gjithçka të funksionojë bukur. Ata kishin ftuar përfaqësuesit institucional të shtetit shqiptar, nga Konsullata jonë e përgjithshme në Milano, si dhe shoqatat simotra në mbarë krahinën e Lombardisë.


Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali 10foto%202

Dhe, pa hezituar, nga Konzullata kishte aerdhur konzulli Gjon Çoba, me përgjegjëset për kulturë – Vasenka Rangu – Leka dhe Mirela Gjyshja, që përfaqësonin edhe shoqatën kulturore “Illyricum” me seli në Lodi, presidente e së cilës është Mirela. Edhe nga Magenta e Milanos kishte ardhur delegacioni i shoqatës “Kosova e Lirë”, kryesuar nga kryetari Xhavit Mahmuti, ndërkaq që u përfaqësuan edhe shoqatat e Leccos “Dardania” dhe “Stublla”, si dhe ishte një delegacion bashkëkombasish tanë, nga Bergamo.

Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali 10foto%203
Sofra shqiptare në kostume kombëtare

Mbrëmjen e hapën grupi i veprimtarëve kulturorë të kësaj shoqate, me grupin e vallëtarëve “Shqiponjat”, që funksionon në kuadër të “Sofrës Shqiptare”, të cilët veshur në kostume kombëtare dhe të shoqëruar nga Konzulli Gjon Çoba, hynë në sallë solemnisht, duke sjellur buçetë të bukura lulesh.

Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali 10foto%204
Pastaj, presidenti Ndue Qokaj u foli të pranishmëve për historikun e Ditës së Punës, duke filluar nga demonstrata e madhe famoze në Çikago e deri në ditët e sotme.

Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali 10foto%205
Të pranishmit e kanë përcjellë me shumë vëmendje, dhe disa herë kanë duartrokitur. Presidenti pastaj ua dha fjalën mysafirëve dhe disa nga ata i përshëndetën të pranishmit, si: konzulli shqiptar i ardhur nga Milano – Z. Gjon Çoba, përgjegjësja për kulturë, në kuadër të aktiviteteve të Konzullatës – Znj. Vasenka Rangu – Leka, presidenti i Shoqatës “Kosova e Lirë” nga Magenta e Milanos – Z. Xhavit Mahmuti dhe të tjerë.

Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali 10foto%206
Mandej, pa humbur kohë iu la radha artistëve të kësaj shoqate, grupit të vallëtarëve “Shqiponjat” dhe mysafirëve, që interpretuan e vallëzuan pika fantastike të muzikës sonë popullore dhe burimore. Artistët u nderuan me duartrokitje të gjata, nga të gjithë të pranishmit.

Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali 10foto%207
Në tryeza edhe vera shqiptare nga prodhimi shqiptar

Ishte moment shumë emocionues, kur presidenti Ndue Qokaj kumtoi vendimin e Këshillit Drejtues të Shoqatës, që të nderohet veprimtari nga Kosova Engjëll Koliqi, me titullin Simbol Nderi i Sofrës Shqiptare. Këtë titull, të shkruar bukur në një pllakatë speciale, Engjëllit ia dorëzoi konzulli mysafir Z. Gjon Çoba. Duartrokitjet e gjata të të pranishmëve konfirmuan se këtë çmim veprimtari e shkrimtari Engjëll Koliqi, për veprimtari dhe të arritura të jashtëzakonshme patriotike, humanitare dhe kulturore, e ka marrë me pëlqimin unanim të të gjithë anëtarësisë së Shoqatës “Sofra Shqiptare”. Të pranishmit e kanë uruar Koliqin me përqafime dhe me shtrëngim duarsh, ndërkaq ai – duke falënderuar shoqatën për këtë nder kaq të madh, tha se e pranon me përgjegjësi dhe vetëdije të madhe, për të kontribuuar edhe më shumë, me të gjitha fuqitë dhe kapacitetet në dobi të çështjes sonë të gjithëmbarshme kombëtare, si dhe në dobi të çdo qenie arbërore. Pra, ai tha se këtë çmim dhe këtë titull (Simbol Nderi), e pranon më tepër si obligim për të kontribuuar gjithnjë e më shumë, bashkë me këtë shoqatë të vyeshme dhe me shoqatat tjera shqiptare, anembanë Italisë dhe në mbarë diasporën.
Ilirjana Koliqi-Ramaj:Mrekullitë e traditave tona të shenjta arbërore ruhen edhe Itali 10foto%208
Shumë domethënëse dhe të shijshme ishin ushqimet e përgatitura enkas, sipas specialiteteve tona kombëtare. Edhe vera që u shtrua në këtë kremte ishte verë e prodhimit shqiptar, e ardhur nga Shqipëria.

Këtë përvojë shembullore të Shoqatës “Sofra Shqiptare” duhet përshëndetur dhe uruar nga zemra të gjithë shqiptarët – në atdhe dhe në mërgim, e sidomos ne mërgimtarët duket ndjekur shembullin e tyre, sepse me këso organizime të bukura mbajmë të gjallë shpirtin arbëror dhe i kultivojmë e i ruajmë traditat tona të shenjta.
Agim Gashi
Agim Gashi
Administrator
Administrator

Numri i postimeve : 45955
Age : 70
Location : Kosovë
Registration date : 17/11/2008

Mbrapsht në krye Shko poshtë

Mbrapsht në krye

Akllapi Net - Forum i Hapur :: Shqiptarët në botë

 
Drejtat e ktij Forumit:
Ju nuk mund ti përgjigjeni temave të këtij forumi