Dega e Gjakovës kërkon Sejdiun dhe zgjedhje të përgjithshme në LDK

nga **Agim Gashi** Tue May 10, 2011 8:58 pm

Dega e Gjakovës kërkon Sejdiun dhe zgjedhje të përgjithshme në LDK

Dega e LDK-së në Gjakovë përkrah ish-kryetarin e LDK-së Fatmir Sejdiu dhe ka dalë me një propozim të ri për Kryesinë qendrore të LDK-së Asaj i kërkon që t’i rekomandojë Këshillit të Përgjithshëm shpalljen e zgjedhjeve të përgjithshme të LDK-së në të gjitha nivelet. Për më shumë, kjo degë e LDK-së ka përgënjeshtruar sekretarin e përgjithshëm të LDK-së, Ismet Beqiri. Ky i fundit javën e kaluar ka deklaruar se ekziston marrëveshja në mes të Kryesisë qendrore të LDK-së dhe degës së kësaj partie në Gjakovë që pas zgjedhjeve parlamentare të mbahen zgjedhjet partiake në Gjakovë.

“Kryesia e degës informon elektoratin se janë të pavërteta thëniet se ka pasur një marrëveshje partiake për zgjedhje të reja në Gjakovë, të trumbetuara nga zyrtarë të lartë të partisë”, thuhet në komunikatën e LDK-së së Gjakovës. Aty po ashtu ceket se vetëm Fatmir Sejdiu është më meritori për të vlerësuar mbarëvajtjen e zgjedhjeve partiake të vitit të kaluar dhe përmendin se Sejdiu ka vlerësuar se zgjedhjet partiake në Gjakovë kanë qenë korrekte.

Kryesia qendrore e LDK-së pati marrë vendim për përsëritjen e zgjedhjeve në Obiliq, Shtime, Pejë dhe Gjakovë. Por kjo e fundit nuk e ka ndërmend të ndryshojë qëndrim dhe s’po i përsërit zgjedhjet.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30