Azem Syla: Unë urdhërova vrasjen e Gani Gecit gjatë luftës

nga **Agim Gashi** Thu May 12, 2011 12:02 am

Azem Syla: Unë urdhërova vrasjen e Gani Gecit gjatë luftës

Ish komandanti i përgjithshëm i UÇK-së nuk e mohon atë që e thotë Gani Geci, për një vendim të shtabit, i cili pati urdhëruar vrasjen e tij gjatë luftës. Syla tha sonte për “Klan Kosova” se nuk i kujtohet saktësisht urdhri, por qëndron pas tij. “Nuk më kujtohet nëse është lëshu një deklaratë nga shtabi, por unë qëndroj pas saj, po them 99 për qind”, tha Syla.

Ish eprori i UÇK-së thotë se rregullat e UÇK-së kanë qenë të qarta për të gjithë ata që tradhtojnë idealin kombëtar, e në këtë rast, sipas Sylës, Geci kishte devijuar duke vrarë, siç tha ai, Abedin Rexhën. “Z. Geci me veprimin e tij vrasës e kriminel e hekë një bashkëluftëtar të denjë”, potencoi Syla.

Deklarimet e Gecit se Syla pas luftës kishte dhënë një shumë të madhe të hollash për ta vrarë atë janë shpifje, sipas deputetit të PDK-së. Duke qenë se Syla ka qenë në hierarkinë e SHIK-ut, ky i fundit thotë se hetimet e kërkuara për këtë shërbim nuk ia prishin komoditetin.

Të gjitha ato që po bëhen ndaj luftës së UÇK-së, komandanti i cilëson si tendenca të dikujt për ta denigruar këtë luftë. “Janë shpifje, gënjeshtra. Të bazuara në qarqe kundër Kosovës dhe çështjes shqiptare në përgjithësi, Të gjithë janë të lirë, secila strukturë dhe institucion të merren me hulumtime”, tha mes tjerash Syla.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30