Përendimi nuk mbështet kërkesën për hetm nga OKB

nga **Agim Gashi** Fri May 13, 2011 2:36 pm

Përendimi nuk mbështet kërkesën për hetm nga OKB

Dje pasdite vonë në New York, Këshilli i Sigurimit i Kombeve të Bashkuara shqyrtoi raportin e Sekretarit të Përgjithshëm, Ban Ki Moon mbi zhvillimet në Kosovë, ndërkaq vendet kyçe perëndimore nuk mbështetën kërkesën e Serbisë për një hetim për akuzat mbi trafikun me organe të mandartuar nga organizata botërore.

Shtetet e Bashkuara të Amerikës, Britania e Madhe, Franca dhe Gjermania theksuan se misioni i Bashkimit Evopian, EUlexi kishte të gjitha mundësitë, kompetencat, jurisdiksionin dhe mekanizmat për një hetim të tillë. Këto vende përshëndetën zgjedhjen e presidentes Atifete Jahjaga, të parës presidente femër në Ballkan, ndërsa vlerësuan ruajtjen e stabilitetit në vend si dhe formimin e një qeverie më gjithëpërfshirëse deri tani.

Edhe vendet e tjera e vlerësuan dialogun ndërmjet Prishtinës e Beogradit si një zhvillim inkurajues. Ministri i Jashtëm i Kosovës, Enver Hoxhaj, në pjesëmarrjen e tij të parë në një seancë të tillë, bëri një rekapitulim të zhvillimeve që nga tetori i vitit të kaluar për të nënvizuar se ‘Kosova kaloi nëpër sfida, mirëpo koalicioni qeverisës dhe partia më e madhe opozitare treguan që janë të gatshme të ngrenë interesin kombëtar përtej interesave politike.’

Hoxhaj foli edhe për qeverinë e re duke thënë se

ajo reflekton statusin e Kosovës si një demokraci shumetnike

funksionale, ndërsa pjesëmarrja e serbëve në pushtetin lokal dhe

qendror tregon për një refuzim të tyre ndaj politikave të Serbisë ndaj Kosovës.

Ai akuzoi Serbinë për instrumentalizimin e serbëve në veri,

një konstatim që e mbështeti po ashtu edhe ambasadorja amerikane

Rosemary DiCarlo e cila tha se ‘strukturat paralele në veri që i

përgjigjen Beogradit, janë bërë pengesë e progresit të Kosovës dhe

këto veprime nuk duhet të tolerohen.’

Ministri i Jashtëm i Serbisë Vuk Jeremiq, përsëriti kërkesën për një

hetim për akuzat për trafikim të organeve nga Kombet e Bashkuara sepse sipas tij EULEX-i nuk kishte mandat ndërsa hetimi mund të shtrihej përveç Evropës, edhe në Azi, Afrikë dhe në Lindjen e Mesme.

Kërkesën e Serbisë e mbështeti fuqimisht edhe Rusia, ambasadori i së cilës tha se çështja e trafikut të organeve do të jetë edhe në të ardhmen temë shqyrtimi në Këshillin e Sigurimit

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30