Reagim i paqëlluar i Naim Malajt ndaj Presheva Jonë

nga **Agim Gashi** Fri May 13, 2011 9:39 pm

Reagim i paqëlluar i Naim Malajt ndaj Presheva Jonë

Do t’i kishim bërë vetëm një pyetje Naim Malajt: sikur të mos kishte shkruar agjencia Presheva Jonë dhe transmetuar Koha.net problemin në fjalë, a thua do të ishte dërguar dhe kur do të ishte dërguar shkresa e Ministrisë së Drejtësisë së Kosovës për autoritetet zvicerane, pyetet Presheva Jonë.. Ambasada e Kosovës në Bernë, përmes një sqarimi dje ka reaguar për të qartësuar se një shkrim për gjoja “humbjen” e shkresës së Ministrisë së Drejtësisë së Kosovës dërguar kësaj ambasade nuk përkon me realitetin.

Bernë, 13 maj / AIK-Presheva Jonë

Ndaj këtij “sqarimi” të ambasadës në Bernë sot ka reaguar agjencia Presheva Jonë, e cila thotë se në shkrimin e publikuar i është referuar thjesht burimeve zyrtare në Ministrinë e Drejtësisë së Republikës së Kosovës, e cila përmes një zyrtari të saj ka pohuar se shkresa për mos ekstradimin e Shemsi Nuhiut organeve serbe i është dërguar ambasadës së Kosovës vetëm pak ditë pas arrestimit të tij në Vevey të Zvicrës, më 14 prill. Në anën tjetër, autoritetet kompetente zvicerane, përkatësisht zëdhënësi i Ministrisë së Drejtësisë zvicerane, Falco Galli, ka deklaruar më 10 maj agjencisë Presheva Jonë se Berna nuk ka pranuar kurrfarë shkrese nga Prishtina për rastin Nuhiu.

Në reagimin e Presheva Jonë thuhet se duket paksa qesharak arsyetimi i sqarimit nga ana e Ambasadës së Kosovës në Bernë se “në fakt, bëhet fjalë për një dosje voluminoze prej 30 faqesh (e përgatitur në bashkëpunim me Ministrinë e Drejtësisë), e që kundërshton ekstradimin e Shemsi Nuhiut për në Serbi..”.

Shtrohet pyetja se çfarë ka lidhje kërkesa e Ministrisë së Drejtësisë së Kosovës me “dosjen voluminoze” ?!..Në fakt letra e MD është dashur t’i dërgohet autoriteteve zvicerane edhe pa dosje.. e pastaj, kush ka dëshirë të përgatisë e të merret me dosje të vazhdojë, por vonesa e shkresës është e pajustifikueshme, në kohën kur Shemsi Nuhiut i kanosje ekstradimi në Serbi.
Në reagim po ashtu thuhet se ambasadori kosovar, Naim Malaj (në foto), para se të akuzojë dikë për të pavërteta, është dashur t’i drejtohet Ministrisë së Drejtësisë në Prishtinë dhe Zyrës Federale të Drejtësisë së Zvicrës në Bernë për t’i akuzuar se paskan plasuar të pavërtetën, pasi agjencia Presheva Jonë vetëm ka bërë punën e vet profesionale, duke raportuar apo transmetuar deklaratat e tyre.
“Nuk është kjo hera e parë që i ngarkuari i Thaçit akuzon mediet për raportime të pavërteta. Ai edhe ditë më parë kishte një konflikt me media zvicerane, duke akuzuar ato për shpifje dhe dezinformata, ka njoftuar agjencia informative zvicerane (ATS).
Në fund do t’i kishim bërë vetëm një pyetje Naim Malajt: sikur të mos kishte shkruar agjencia Presheva Jonë dhe transmetuar Koha.net problemin në fjalë, a thua do të ishte dërguar dhe kur do të ishte dërguar shkresa e Ministrisë së Drejtësisë së Kosovës për autoritetet zvicerane, pyetet Presheva Jonë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30