Ajet Nuro:Talenti me emrin Gjon në Montreal

nga **Agim Gashi** Sat May 14, 2011 12:52 pm

Talenti me emrin Gjon në Montreal

Nga Ajet Nuro, Montreal, Kanada

E-mail anuro@albemigrant.com

Ditën e shtunë, në datën 30 prill 2011 patëm fatin të jemi të ftuar në një koncert të veçant. I veçant sepse qemë të pranishëm në një koncert të një talenti që ka vetëm 12 vjeç por që premton shumë. Ai quhet Gjon Muharremaj. [justify]Gjoni ka lindur në Zvicër nga prindër shqiptar, babai nga Kosova dhe nëna nga Shqipëria. Edhe pse lindur e rritur në Zvicër dhe gjuha e parë e tij është frëngjishtja, Gjoni ka mundur të mësoj gjuhën e nënës, pra gjuhën shqipe të cilën e flet sikur të kish lindur në vendlindjen e prindërve të tij. Duke folur me të mëson se ai njeh mirë si Kosovën edhe Shqipërinë. Tek kjo e fundit i ka bërë përshtypje qyteti bregdetar i Durrësit.

Duke parë sigurinë e Gjonit si artist duhet theksuar se ai ka interpretuar para publikut qysh prej moshës 7 vjeçare. Një element që ndikoi në vizitë e tij në Montreal, është fakti që Gjoni ka një admirues dhe mbështetës të madh siç është gjyshi i tij, zoti Hamit Leskaj, që ishte edhe sponsori i këtij udhëtimi këtej Atlantikut.

Ndonëse 12 vjeç ai ka një zë prej këngëtari të ekperimentuar, ai ka siguri dhe këndon me ndjenjë. Kjo duket sidomos në këngët që ai interpreton në shqip, si psh « Moj e bukura More » dhe në frëngjisht me « Je t'aime ».Po në gjuhën e muzikës moderne, në anglisht. Çuditërisht, ndonëse anglishtja nuk gjuha e tij, Gjoni e ngriti sallën në këmbë me interpretimin e një kënge aq të njohur si « Self Control ». Duke parë këtë entuziazëm të krijuar në sallë pyetjes son se si të duket pritja e shqiptarëve të Montreali, Gjoni i për gjigjet me një faleminderit të natyrshëm. Duke përfituar nga rasti që ai ndodhet në Montreal, përfitojmë për t’i marr një premtim, për një vizitë të ardhëshme. Me buzëqeshje Gjoni na thotë se me dëshirë të madhe do të rikthehej në Montreal ku ai ka realizuar edhe dy video-klipe shumë të arrira.

Koncerti i Gjonit në Montreal përveç nga shqiptarët, u ndoq edhe nga shumë dashamirës të artit dhe miq të familjes kanadezë që shprehën fjalët më të mira për këngëtarin e vogël por me zë magjik. Koncerti u prezantua nga i mirënjohuri mes shqiptarëve zoti Kadri Sherifi.

Duke qenë se këtu tek Tribuna Shqiptare unë kam shkruar për të talentuarin kanadez Justin Bieber kur ai ishte në hapat e para, një krahasim me të është i natyrshëm. Kur e pyesim nëse Gjoni do të ndjeki shembullin e tij për t’u bërë një yll i përmasave ndërkombëtare, Gjoni na përgjigjet me të qeshur se nuk ka të njëjtin stil muzikor si Bieber dhe nuk do që të imitoj stilin e tij por, për sa i përketë përmasave të karrierës sigurisht që do të donte të arrinte aty ku ka arritur këngëtari i talentuar kanadez.

Edhe të vegjlit të pranishëm në koncert gjetën tek Gjoni idhullin e tyre. Madje njëri prej tyre iu drejtua Gjonit me « kompetencë » : Gjon, je më i miri që kam parë deri më sot...

Për t’u transmetuar atmosferën e mbrëmjes po u paraqesim disa pamje fotografike dhe për të shijuar zërin e Gjonit po u postojmë dy videot që ai realizoi në Montreal.

Ajet Nuro