Çfarë pune bën Bukoshi në Qeverinë “Thaçi 2”?

nga **Agim Gashi** Sun May 22, 2011 8:27 pm

Çfarë pune bën Bukoshi në Qeverinë “Thaçi 2”?

Bujar Bukoshi, gjatë tërë këtyre viteve thuajse asnjëherë nuk ka qenë “jashtë loje”. Kryeministri i dikurshëm si askush tjetër ka “notuar mirë” duke u “valëvitur” pothuajse në secilën qeveri, shkruajnë mediet.

Koha më e “errët” për kirurgun nga Theranda, ka qenë kur ka drejtuar Partinë e Re të Kosovës (PReK), të cilën e pati themeluar si kundërpërgjigje ndaj ish-kryetarit të LDK-së, Ibrahim Rugova, por në emër të së cilës nuk pati arritur t'i marrë as 1 për qind të votave. Bukoshi, i ka “ndreq senet” nga momenti që është forcuar “ar(miku” i tij Hashim Thaçi.

Ministër në kabinetin e kaluar qeveritar, ndërsa zëvendëskryeministër në Qeverinë “Thaçi 2”. Mirëpo, siç shkruajnë mediet, zëvendëskryeministri Bujar Bukoshi për tre muaj qeverisje pothuajse nuk është parë askund se “është i gjallë”.

Për këto tre muaj, ai nuk është paraqitur thuajse në asnjë media. Edhe në ato raste kur është parë, ka qenë ulur aty afër kryeministrit – në mbledhjen e Qeverisë.

Derisa kolegët e tij zëvendëskryeministra, kanë nga një punë që e bëjnë në cilësinë e zëvendëskryeministrit – Behgjet Pacollli për lobim, Edita Tahiri për bisedime teknike me Serbinë, Hajredun Kuçi, Mimoza Kusari-Lila dhe Slobodan Petkovic janë edhe ministra të dikastereve të ndryshëm, por Bukoshi “pushon” në Qeveri.

Bukoshi ka thënë se është i ngarkuar për mbikëqyrjen e Ministrisë së Shëndetësisë, Ministrinë e Ambientit, të Ministrisë së Punës dhe Mirëqenies Sociale, si dhe Agjencisë për Ushqim dhe Veterinë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30