Xhesika Vula:Sërish satanizohen maqedonët, shtrembërojnë origjinën e Nënë Terezës

nga **Agim Gashi** Wed Jun 01, 2011 10:52 pm

Xhesika Vula:Sërish satanizohen maqedonët, shtrembërojnë origjinën e Nënë Terezës

Në promovimin e monografisë “Shtëpia e Përkujtimit të Nënë Terezës”, të martën, në Shkup, sërish është keqpërdorur dhe keqinterpretuar origjina shqiptare humanistes shqiptare, Gonxhe Bojaxhiu – Nënë Tereza.

Akademikja Katica Qullakova, në fjalimin e saj si bashkautore e monografisë, ka thënë se shkupjania Nënë Tereza është maqedonase, me origjinë shqiptare dhe vllehe e cila, sipas saj, si qytetare i takon Indisë dhe tërë botës.

Ajo këtë e ka theksuar gjatë promovimit të kësaj monografie, ku ishte e pranishme edhe ministrja e Kulturës, Elizabeta Kançevska-Milevska.

“Ne sot flasim sërish për Nënë Terezën dhe përtërijmë rrëfimin për një shkupjane, një maqedonase, një gruaje me prejardhje shqiptare dhe vllehe, e cila gjatë jetës ishte misionare, e cila si qytetare i takonte Indisë dhe tërë botës, e cila fitoi çmimin Nobel, ndaj ne përballemi me një fakt se bëjmë një rrëfim për një madhështi, e cila nuk është vetëm personalitet historik, por edhe simbol për globin dhe të gjitha kohërat”, ka thënë Qullakova.

Drejtoresha e Shtëpisë Përkujtimore “Nëna Terezë”, Renata Kutera-Zdravkovska, ka thënë se kjo monografi është botimi i dytë që nxjerrë në dritë ky institucion nacional.

Monografia është e pasuruar me disa foto, tekste nga shumë autorë, ndërsa ajo është përpiluar nga redaksia e përbërë prej Katica Qukallova, Valentina Bozhinovska, Agim Poloska, Aleksandar Gjorgjiev dhe Marjan Ristov.

Shtëpia Përkujtimore e Nënë Terezës u ndërtua në një lokacion tjetër nga vendi ku gjendej shtëpia e vjetër e familjes Bojaxhiu në sheshin e Shkupit. Ajo nxiti debate në mesin e shoqatave shqiptare dhe protesta, pas një vendimi që ishte ndërmarrë nga qeveria e kaluar.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30