Mustafa kritikon qeverinë për improvizime

nga **Agim Gashi** Tue Jun 14, 2011 12:02 am

Mustafa kritikon qeverinë për improvizime

Kryetari i LDK-së, Isa Mustafa konsideron se Hashim Thaçi i ka krijuar pengesa të mëdha konsolidimit të Qeverisë dhe zhagitjes së bisedave lidhur me kompletimin e saj.

"Është bërë një qeveri e madhe e cila në proporcion me numrin e popullsisë, me çështjet dhe problemet që i ka Kosova i tejkalon përmasat", vlerëson Mustafa në një intervistë për mediet.

Ai thotë se Thaçi mbase do ta pengojë edhe veten në kryerjen e disa punëve, për arsye se janë disa fusha në të cilat objektivisht nuk është e adresuar mirë përgjegjësia dhe kompetenca e njerëzve.

Ka shumë zëvendëskryeministra, ka shumë ministra. Ka ministri që nuk iu ka definuar mirë puna, por që janë bërë për arsye të konsolidimit politik edhe të kënaqjes së kërkesave të partive në koalicion, theksoi Mustafa.

Një tjetër kritikë Mustafa ka adresuar rreth buxhetit, duke thënë se "me nguti është hyrë në këtë buxhet të papërgatitur mirë, pa definuar pasojat që mund të rrjedhin".

Mustafa thotë se nuk niset prej pasojave që ka vendi me marrëveshjen me FMN-në, sepse nuk ka qenë vetëm çështja e pagave ajo që ka rënduar këtë situatë, por edhe burimet jo të definuara mirë të buxhetit dhe shpenzimet buxhetore. Në mungesë të një koncepti të qartë të zhvillimit ekonomik, Mustafa kritikoi Qeverinë për improvizim të strategjisë.

"Dihet, megjithatë lypset të bëhen analizat e mundësive të zhvillimit ekonomik, faktorëve të zhvillimit ekonomik, trendëve botërore të zhvillimit ekonomik dhe ne duhet t'u përshtatemi".

Ai vëren se brenda këtyre 100 ditëve Kosovën nuk e njohu asnjë shtet, ndonëse pritjet kanë qenë që të ketë më shumë.

"Vetë marrja e Qeverisë me vetveten ka shkaktuar që të prolongohet ose të lihet anash një sulm yni që do të duhej të bëhej në diplomacinë ndërkombëtare që megjithatë Kosova të fitojë më shumë njohje dhe ta përmirësojmë pozitën tonë jashtë", tha Mustafa në këtë intervistë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30