Dëshmitari “X”: Limaj donte ta ekzekutonte Kuçin

nga **Agim Gashi** Tue Jun 14, 2011 7:15 pm

Dëshmitari “X”: Limaj donte ta ekzekutonte Kuçin

Ish-mbikëqyrësi i të ashtuquajturit burgu i Kleçkës, i themeluar dhe kontrolluar nga UÇK-ja gjatë vitit 1998-1999, ka thënë se këtë urdhër e kishte marrë nga Fatmir Limaj - komandant Çeliku që të mos guxonte ta lironte, ndryshe do të vritej.

Ky ish-pjesëtar i UÇK-së, që tashmë identifikohet si dëshmitari “X”, i ka rrëfyer prokurorit special Maorizio Salustro prej ditës së parë kur i është bashkuar UÇK-së e deri ditën që u është dorëzuar autoriteteve, shkruan Koha Ditore.

Dëshmitari bashkëpunues që nuk do të ndiqet penalisht as për vrasjen e dy serbëve të cilat thotë se i ka kryer vetë me urdhër të Fatmir Limajt ka rrëfyer gjerë e gjatë në disa intervista të zhvilluara gjatë vitit të kaluar. Ai ka folur për arrestimin e Blerim Kuçit, kryetarit aktual të Suharekës dhe lirimin e tij “diplomatik” nga ish-kryetari i Gjykatës Ushtarake të UÇK-së.

“Kur u lirua Blerim Kuçi sipas urdhrit të Sokol Dobrunës, Fatmir Limaj filloi ta mallkonte atë. Blerim Kuçi ishte një komandant në zonën e Suharekës. Sipas thashethemeve që i kam dëgjuar ai gjoja u kishte thënë ushtarëve të tij t’i linin armët e tyre dhe të iknin për në Shqipëri. Për këtë arsye vetë Fatmiri e kishte arrestuar atë dhe personalisht e kishte dërguar në burgun e Kleçkës”, i ka thënë dëshmitari prokurorit.

Gazeta ka siguruar dëshminë e tij rreth 200 faqe në të cilën ka bërë skica e sqaruar ato që kishte shkruar në ditarin e tij. Kur ai ia shkruante para emrin të ndonjë të burgosuri “plus” kjo nënkuptonte që ai ishte ekzekutuar.

Dëshmitari “X” që është emër i njohur për redaksinë ka thënë se ka kryer vrasje me urdhër të Limajt. Për këtë vrasje të dyfishtë atij i ishin rrahur krahët nga Limaj. Një pjesë të madhe të dëshmisë ky dëshmitar ia ka kushtuar Blerim Kuçit i cili refuzoi të dëshmon për prokurorinë dhe u ndëshkua me një muaj burgim. Sipas këtij dëshmitari, Limaj kishte thënë për Kuçin se duhej të ekzekutohej.

Dëshmitari ka rrëfyer se nuk donte t’i ekzekutonte njerëzit duke u bazuar vetëm në dyshime. Gjatë kohës sa kishte qëndruar në fshatin Shalë të Lypjanit, “X”-i ka thënë se ishin arrestuar dhe sjellë dy gazetarë serbë.

Për ndalimin e tyre dikush e kishte informuar Hashim Thaçin. Thaçi tash kryeministër i Kosovës dëshironte që t’i shihte personalisht dhe të bisedonte me ta. Ai kishte shkuar në Shalë por nuk ishte lënë nga dëshmitari t’i takonte pasi që nuk e njihte autoritetin e tij përveç Limajt. Pas disa minutash Thaçi e kishte marrë Limajn dhe kishin shkuar tek dëshmitari. Mirëpo Thaçi dhe Limaj kishin një problem: nuk dinin serbisht. Si përkthyes kishin marrë dëshmitarin “X”. Kjo kishte ndodhur në fund të vitit 1998 apo në fillim të vitit 1999. Gazetarët ishin mbajtur për dy muaj në shtëpinë e “X”-it.

Dëshmitari e ka përshkruar shefin e Gjykatës Ushtarake, Sokol Dobrunën si njëri të mirë. Dobruna i kishte thënë dëshmitarit që të mos e merrja asnjë të burgosur pa nënshkrimin e tij.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30