Vetëvendosje paralajmëron protesta

nga **Agim Gashi** Wed Jun 15, 2011 5:30 pm

Vetëvendosje paralajmëron protesta

Me 22 qershor, protestë paqësore e VETËVENDOSJE!-s kundër hajnisë së pushtetit

Lëvizja Vetëvendosje paralajmëroi mbajtjen e një proteste paqësore në Prishtinë, për të mërkurën e ardhshme, më 22 qershor, me moton “Me protesta kundër hajnisë”.

Lideri i Vetëvendosjes, Albin Kurti, tha se protesta drejtohet “kundër hajnisë së qeveritarëve ndaj pronës dhe ardhmërisë së qytetarëve”.

Pas aktakuzave të ngritura ndaj disa udhëheqësve të ndërmarrjeve publike, si PTK-së dhe Doganave, Kurti tha se po i ngushtohet rrethi edhe kryeministrit Thaçi.

“Duke qenë i izoluar dhe i shantazhuar, kryeministrit Thaçi po i ngutet që t’ia japë korporatës 'Bechtel & Enka' edhe autostradën Prishtinë – Shkup, ta shesë PTK-në, ta shesë KEK-un, ta likuidojë 'Trepçën' për ta shitur edhe atë dhe t’ua jap autonominë speciale veriut dhe enklavave me shumicë serbe”, tha Kurti.

Sipas tij, “vetëm duke dhënë pasuri dhe territor të Kosovës, ky kryeministër mund të marrë ditë të reja në pushtet”.

Lideri i Vetëvendosjes tha se ndërkohë do të kontaktohen edhe organizata të shoqërisë civile të interesuara për pjesëmarrje në këtë protestë.

Vetëvendosje është subjekti i dytë opozitar për nga numri i deputetëve në Parlamentin e Kosovës. Deri më tani, nuk janë shënuar reagime nga organet qeveritare (z.g).

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30