Ymer Nurka:DITLINDJA E POETIT...

nga **Agim Gashi** Wed Jun 15, 2011 9:19 pm

Ne vend te homazhit per lirikun Vehbi Skënderi

Ymer Nurka:DITLINDJA E POETIT...

Ymer Nurka:DITLINDJA E POETIT... U3_VEHBI_SKENDER_583242225

/Lirikut të madh Vehbi Skënderi/

" VEHBIU, lindi atë ditë Maji.
Perëndoi në këtë ditë të qershortë
Kënga i jehon ndër mote fuqishëm
E s'lë vënd për vaj, e për mort…"
Autori

Nuse u bë Lenia, atë ditë Maji,
U puth me Diellin...e foli me Qiellin...
Perëndimi i purpurt,
Nën tingujt e zemrës,
U qep me fillin e ëndrrës,
Nga duart e zanave...
Të visheshe ti, o Princ i Këngës...

Leonë ishe, atë ditë Lenije...
S' të mjaftuan lulet e çelura ndër viset e tua
Lulnaja të tjera, prej malesh i more hua,
Majë më majë e skaj më skaj...
I përralltë kish ardhur ai Maj.

Prej rrobulli të kuq, u gdhend një djep,
Nga zogjtë, më të bukur të pyllit,
Kënge pas kënge, nën dritën e yllit
Cep me cep, e sqep me sqep...
Kish çelur një jetë..., një jetë e vërtetë
E mbushur me aromat e Prillit

Qumësht premtuan, sorkadhet e malit,
Të mjaltët, të njelmët, si shpirti i djalit...

Me rreze yjesh u thurën shpërgenjtë,
Dhe Hëna zbriti me duart e Muzës
E plotë e verdhë, si kulaç poganiku...
Dy duar të ëndërrta, u bënë kumbarë,
Minareja u prarua, nga drita e shënjtëve,
Filli i Platintë dridhej, nga tinguj qiellorë,
Kish lindur ai , Këngëtari më i ëmbël i Botës.

E strehët pikuan, lot të hareshëm,
E odat u mbushën, përplot mysafirë,
Dollia dhe kënga, jehoi aq ngeshëm,
Si festa e një dite të mirë...

E ylbertë rrodhi drita, prag pas pragu,
Nëne pas nëne, e plak pas plaku...
Nuset dhe çupat, hodhën mbi supe,
Tylin pranveror të stolisë,
Ti ngjanin Ofelisë...

Gjersa kënga rrodhi, ndër damarë, si gjaku,
S'ka muzg, të shuajë vezullimin e atij Agu...

Ndjehem i trishtuar per humbjen e poetit vehbi Skenderi, pasi me te nuk me lidh vetem poezia, por kemi te njejten vend-lindje,fshatin Strelce te krahines se Gores (Korce) Ndaj percjell keto vargje per sfren, si nje homazh per kengen dhe kujtimin e tij...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30