Kryeministri Sali Berisha viziton Kosovën

Kryeministri Sali Berisha viziton Kosovën

Në fund të muajit prill





Burime nga kryeministria e Tiranës bëjnë të ditur se në fund të muajit prill, kryeministri Sali Berisha do të vizitojë Kosovën. Kryeministri shqiptar Berisha pos që do të takohet me liderët e lartë të shtetit, presidentin Fatmir Sejdiu e kryeministrin Hashim Thaçi ai do të bisedojë edhe me zyrtarët e lartë të ICO dhe EULEX-it në Kosovë.
Gjatë kësaj vizite pritet që kryeministrat e dy vendeve, Shqipërisë e Kosovës të nënshkruajnë dy marrëveshje ndërshtetërore. E para Marrëveshje ka të bëjë me lirinë e lëvizjes së qytetarëve dhe heqjen e regjimit të vizave për qytetarët e dy vendeve. Kjo marrëveshje shënon hapin e parë të realizimit në praktikë të “Shengenit të Ballkanit” një ide kjo e hedhur nga liderët e të dyja vendeve, përkatësisht presidentëve Fatmir Sejdiu e Bamir Topi.
Marrëveshja e dytë ka të bëjë me ekstradimin e personave nga një vend në vendin tjetër.
Kjo është vizita e parë kryeministrit Sali Berisha që i bën Kosovës, pas shpalljes së pavarësisë së Kosovës.