Adem Berisha:SOT PESË VITE DIELLZA IKU NË PËRJETËSI

nga **Agim Gashi** Tue Jun 28, 2011 1:13 am

Adem Berisha:SOT PESË VITE DIELLZA IKU NË PËRJETËSI

Motra e vëllezër të dashur, (nesër nga puna nuk mund të shkruaj)
nuk kam dëshirë të ju krijoj momente shqetësimi sepse kështu preku edhe ndjenjat e shumë
motrave dhe vëllezërve të cilët kanë përjetuar plagë e dhimbje për më të dashurit e tyre. Poashtu, jam i vetëdijshëm se rasti im nuk është as i pari e as i fundit dhe as më i lehti e as më i rëndi.
Mirëpo, duke qenë i vetëdijshëm për ndjenjën tuaj të dhimbjes dhe solidaritetit e bashkëndjesisë me ata që kanë zemrat e plagosura, gjë që këtë e keni dëshmuar për sa e sa herë edhe duke i kushtuar vargje zemre engjëllushës tonë tashmë të përbashkët Diellzës së bekuar, sot më 28. 06. 2011. kur po mbushën pesë vite dhimbjeje e pikëllimi prej kur u nda nga jeta në këtë botë për të shkuar në jetën e amshueshme dhe për të mos vdekur kurrë, është momenti qe të përkujtojmë këtë engjëllushe te të dy botëve e cila falë përkushtimit të shumë motrave e vëllezërve, tashmë është bërë një urë magjike e lidhjes dhe krijimit të miqësive të reja në gjithë trevat etnike shqiptare por edhe gjithandej Evropës e Amerikës. Pikërisht në saje të kësaj mirësie dhe bashkëndjesie që motrat e vëllezërit e dashur manifestuan, unë titullova ciklin e dytë të librit tim “Lulja la lulishten” me emrin simbolik “Zemërbardhët për Diellzen”. ( Libri mund të lexohet në lidhjen: http://ademgjurgjeviku.multiply.com/home)
Le të kujtojmë pra sot së bashku këtë engjellushe tonën dhe le të lutemi që kurrë dhe askujt më zemra të mos i digjet për më të dashurit e tyre, për pjesët e pa kompenzueshme të qenieve të tyre ndërsa ata që kanë provuar humbje të tilla, sa më lehtë të përballojnë dhe tejkalojnë dhimbjet e pësuara.
Këtë herë Diellzen do të përkujtojmë me një poezi që motra jonë e dashur Merita Lulaj kohë më parë i kishte kushtuar. Faleminderit motër e dashur Merita, i madhi Zot shpërbleftë zemërbardhësinë tuaj.

Merita Lulaj:

ENGJËJT S’KANË VDEKJE, KANË PËRJETËSINË

Kushtuar engjëllit të përjetësisë Diellza Berisha

Në ditët e fundit atij shtatori të ngrohtë
u linde ti engjëllushe, zoti të bekoftë.

Një motër në mes dy vëllezërve si një luleborë
erdhe pranë familjes tamam si një meteor.

Me emrin Diellzë të pagëzuan për jetë,
rrezeve të diellit ti iu ngjasoje, vërtetë.

I gëzove të gjithë, vëllezërit edhe prindërit
butësisht gjyshi të përkëdhelte ty oj lulja e blirit.

Më e bukura në shkollë, më e dashura n'shtëpi
e para në mësime, më e ëmbla n'shoqëri.

E ëmbël, e dashur oj e mira engjëllushe
kur hyje ti n'shtëpi, zemrat gëzim na i mbushje.

Nga buzëqeshja jote shkrihej edhe bora
rreze hidhje mbi kopshte si e këndshmja aurora.

Pranë yllit Afërditë, tash të bukur ke folenë
kur vjen në ëndrrat tona, ti zbukuron gjithë dhenë.

Engjëllushja jonë Diellza, vetëm datëlindje ka
engjëjt kurrë nuk vdesin jo, fluturojnë gjithkah.

Oj vogëlushja e shpirtit ty të duam shumë
Ndaj nuk pranojmë dot vdekjen, ti jeton çdo kund.
Adem Berisha:SOT PESË VITE DIELLZA IKU NË PËRJETËSI 263034_247596288590457_100000202629693_1189840_3637657_n

Adem Berisha:SOT PESË VITE DIELLZA IKU NË PËRJETËSI 263034_247596288590457_100000202629693_1189840_3637657_n

Diellza Berisha; 29. 09. 1995 - 28. 06. 2006.

Mentor Thaqi

Në bashkëndjesi dhimbjeje me Bacen Adem Berisha dhe Familjen e tij shumë të nderuar, në 5 Vjetorin përkujtimor të shkuarjes në Amshim të Diellzës sonë të gjithmbarshme, dua që përmes këtyre vargjeve të i ngushlloi për aq sa ka mundësi ngushëllimi dhe të iu thëm se vërtetë me shpirtë jam pranë tyre, unë, Familja ime dhe gjithë kjo vëllazëri e shumënderuar Kombëtare! Zoti iu dhëntë forcën e përballimit dinjitoz!

Adem Berisha:SOT PESË VITE DIELLZA IKU NË PËRJETËSI 263034_247596288590457_100000202629693_1189840_3637657_n

DIELLZË, NDAÇ DRITËHËNE!

Diellzë, çupëz, o Engjëllushe,
vetë Emrin e bukur, ke Sinonim,
ah, mallin tonë sot na shprushe,
në t´pestin, ah, t´pestin Përkujtim!

Gjyshi yt sot n´maje Pene,
të gdhendi plot dashuri, Homazh,
ndaç Diellzë, ndaç Dritëhëne,
vargjet ylberngjyrash, janë kollazh!

E bekuar, nga lartë në Qiellë,
na i zbutë dhe mbëlton dhimbjet,
s´numërojmë vitmordjet, Diellzë,
do numërojmë gjithmonë Ditëlindjet!

Dhe, ta thëmi sot zemërhapur,
se ke Familjen e Madhe Shqiptare,
jenë njerëzit tuaj t´dashur, t´afërt,
e gjithë vëllazëria Kombëtare!

T´falim Dashuri dhe Bekim,
Diellza jonë, o Dritë-Jete,
jo jo, s´do ketë lot n´përkujtim,
se TI, përjetë buzëqeshja jonë mbete!!!

Mentor Thaqi VS., 27.06.2011***

Agim Gashi

nga **Agim Gashi** Tue Jun 28, 2011 1:17 am

Me zemër të thyer të shprehu ngushllimet e mia i dashur Baca Adem. Bëhu i fortë ashtu si ke qeë edhe në furtuna.Yt vlla Agimi!

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Adem Berisha:SOT PESË VITE DIELLZA IKU NË PËRJETËSI

Adem Berisha:SOT PESË VITE DIELLZA IKU NË PËRJETËSI

Re: Adem Berisha:SOT PESË VITE DIELLZA IKU NË PËRJETËSI