ASHAK nuk e konsideron të vlershëm rezultatin e regjistrimit

nga **Agim Gashi** Fri Jul 01, 2011 10:26 pm

ASHAK nuk e konsideron të vlershëm rezultatin e regjistrimit

Akademia e Shkencave dhe e Arteve e Kosovës (ASHAK), që me shpalljen e afatit të regjistrimit të popullsisë në Kosovë u deklarua qartë se procesi nuk ishte i përgatitur si duhet dhe prandaj barte me vete rrezikun që të dështonte.

Në kumtesën e saj të datës 28 shkurt 2011, Kryesia e Akademisë kishte kërkuar shtyrjen e afatit të regjistrimit, për shkak se tashmë ishin vërejtur përgatitje jo të mjaftueshme profesionale, teknike dhe organizative, si dhe tendencat për politizimin e procesit. Shpallja e rezultateve preliminare të regjistrimit të popullsisë në Kosovë, për fat të keq, e vërtetoi shqetësimin e Kryesisë së Akademisë, se procesi jo vetëm që do të dështonte, por do të linte pasoja të shumëfishta shoqërore, politike dhe profesionale. Shkaqet e dështimit të regjistrimit tashmë janë të njohura si për profesionistët e përfshirë ose të papërfshirë në proces, ashtu edhe për opinionin e gjerë, kështu që nuk mendojmë se është e nevojshme të përsëriten me këtë rast, thuhet në një komunikatë.

Kryesia e ASHAK-ut e sheh të nevojshme të njoftojë opinionin, i cili është i shqetësuar me të drejtë, se nuk e konsideron të vlershëm rezultatin e këtij regjistrimi, prandaj sugjeron të gjenden mënyra për mbajtjen e një regjistrimi të ri, të përgatitur si duhet, përfundon komunikata e Kryesisë së ASHAK-ut, të nënshkruar nga Akademik Besim Bokshi, kryetar.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31