Topalli për Kosovën, reagojnë serbët

nga **Agim Gashi** Sat Jul 02, 2011 10:33 pm

Topalli për Kosovën, reagojnë serbët

Kryetarja e parlamentit të Shqipërisë, Jozefina Topalli ka ftuar të shtunën vendet anëtare të organizatës së regjionit të Detit të Zi për bashkëpunim ekonomik (BSEC) që të njohin Kosovën, kurse delegacioni i Kuvendit të Serbisë paraqiti protestë të ashpër lidhur me këtë, siç vlerësuan ata, këtij veprimi jo diplomatik të Topallit.

Kryeparlamentarja shqiptare në mbledhjen e Asamblesë së përgjithshme të kësaj organizate, duke marrë rolin e kryesueses, deklaroi se Shqipëria do të vazhdojë të mbështesë pavarësinë Kosovës, njoftojnë mediet e huaja.

Shefi i delegacionit serb në këtë tubim të BSEC-së, Aleksandar Vlahovic ka thënë se përfaqësuesit serbë kanë reaguar menjëherë, duke theksuar se pavarësinë e Kosovës e kanë pranuar vetëm tri, nga gjithsej 12 anëtare të BSEC dhe se nuk e pranojnë shumica e anëtareve të OKB-së.

Paraqitja e Topallit erdhi vetëm një ditë pasi presidenti i Shqipërisë, Bamir Topi në samitin e vendeve anëtare të Procesit të bashkëpunimit të Evropës juglindore në Shën Stefan ftoi shtetet pjesëmarrëse që të njohin pavarësinë e Kosovës.

Presioni i shteteve që lobojnë për Kosovën ishte i dukshëm edhe gjatë takimit të paradokohshëm të Komitetit për mbrojtjen e trashëgimisë kulturore të UNESCO-s, ku thuhet se është zhvilluar një luftë e vërtetë diplomatike ndërmjet grupit të vendeve që e kanë njohur Kosovën dhe atyre që e mbështesin Serbinë.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31